Nehemiạ 9:2 - সান্তালী বাইবেল

² Israel jạtren hoṛko do eṭakʼ sanam jạtrenko khon apnartetʼko begarena. Onko doko teṅgoyente akoakʼ kại ar akoren hapṛamkoakʼ bedhoromakʼko aṅgockeda.

Nehemiạ 9:2 Iomraidhean Croise

1 Rapajko 8:47

unre ona disạmre akoakʼ monko ạcurtako arko kastaokʼte nehõrokʼteko men, ‘ale dole kại akada, arle behok akada ar bạṛicʼ hortele taṛam akada,’ enḍekhan onkoakʼ koejoṅ ańjomtakome.

Esra 10:11

Ńitokʼ ape do aperen hapṛamkoren Probhu Isor ṭhen kại aṅgocpe ar uniyakʼ sana leka kạmipe. Apeakʼ disạmre girobasokʼ kan hoṛko ar eṭakʼ jạtren maejiu khon ape apnartetʼ begarokʼpe.”

Esra 6:21

Bondi dosa khon ruạṛ hecʼ akan Israelko ar disạmre girobasokʼ kan Israelko okoe do Israelren Probhu Isorakʼ sana leka calakʼa mente aḍepase be-Jihudiko khon apnartetʼko begar doholen onko sanamkoge mitʼ sãote ona jelko jomkeda.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Esra 9:15

E Israelren Probhu Isor, am dom dhoromgea. Ale do teheń hạbicʼ thoṛa hoṛ jiwetʼ menakʼlea. Menkhan am samaṅre do sanamkogele kạiyan hoṛ kana, ar onate ale do okoehõ am samaṅre teṅgokʼ lek dole baṅkana.”

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Nehemiạ 1:6

E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

Nehemiạ 10:28

Ale sarecʼ hoṛko do, metakʼme naekeko, Liwiko, rurukhiyạko, sekʼreń dolko, mundilren sapʼdapʼko ar Isorakʼ ạn-ạri manao lạgitʼ okoe do aḍepase jạtrenko khonko begar akan, aleren bạhuko ar aleren okoe gidrạko do bujhạu reakʼ akel hoyakantako, ale sanamkoge aleren boehako, metakʼme manotan hoṛko sãotele mitʼena. Ale dole meneda je, ale okale kiriạkʼ lạgidokʼ kan ona bale manao enḍekhan ale cetanre sarap paṛaokʼma. Ale do Isorren guti Mose hotete emakʼ Isorakʼ ạn-ạri lekatele calakʼa ar aleren Probhu Isorakʼ sanam hukum ar niạmko joton salakʼle manaoa.

Nehemiạ 13:3

Hoṛko do Ạn-ạri reakʼ niạ katha ańjomkate sal mesal jạtren sanam hoṛko Israel somaj khonko begarketʼkoa.

Nehemiạ 13:30

Nonkate iń do sanamko tala khon porjạtrenkoakʼ jotowakʼ iń sạṅgiń giḍikada. Tayomte naeke ar liwikoakʼ kạmi lekate onko mimitʼko do kạmiń hạṭińatʼkoa.

Sereńko 144:11

Rukhiyạyińme, ar eṭakʼ jạtrenkoakʼ ti khon bańcaoińme; onkoakʼ moca do phạsiạrate perecʼgea; onko do jojom ti tulkate ạuṛiyakʼko kiriạkʼa.

Sereńko 144:7

Am do cetan khon amakʼ ti tiạrtam; ar iń rukhiyạyińme, ḍubạ dakʼ khon, hẽ, eṭakʼ jạtrenkoakʼ ti khon bańcaoińme.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jesaea 2:6

Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada.

Jirimiạ 14:20

E Probhu Isor, aleakʼ dusṭạmi ar aleren hapṛamkoakʼ dos reakʼle aṅgocetʼ kana; sạrige ale do am upạrtele kại akada.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Hosea 5:7

Onko do Probhu Isor ṭhen bepạtiạranko hoyakana; onko do bidhuạ gidrạko janametʼkoa. Ar onatege ńitokʼ molokʼ cando do onkoakʼ porobkoe lakopʼtakoa akoakʼ khet baṛge sudhạ.