Nehemiạ 9:15 - সান্তালী বাইবেল

¹⁵ Lacʼ bi ocoytako lạgitʼ amge serma khon jomakʼem ematʼko tahẽkana ar tetaṅ marao ocoytako lạgitʼ do dhiri khon dakʼem oḍok ocoleda. Ar okaṭakʼ disạm emako reakʼem gokʼletʼ tahẽkan onḍe senkate am do ona ạidạri lạgitʼem hukumatʼko tahẽkana.

Nehemiạ 9:15 Iomraidhean Croise

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Sereńko 114:8

One uni cạṭạni do jolateye pheraoetʼ, ar keṭecʼ dhiri do dakʼ reakʼ jharnageye hoyocoyetʼ.

Exodus 16:4

Unre Probhu Isor do Moseye metadea, “Iń do serma khon jạṛi dakʼ leka jomakʼ iń ńur ocoya. Ar hoṛko do dinạm hilokʼ bahrete senkate enhilokʼ reakʼ jomakʼko halaṅ joṅa. Ar ińakʼ hukum lekako senokʼa se baṅ ona reaṅ iń biḍạukoa.

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Exodus 17:6

Ona tayom iń do Horeb buru ṭhen am samaṅre mitʼṭecʼ dhiri cetanreń teṅgona. Am do ona dhirim dala ar onate hoṛko lạgitʼ onḍe khon dakʼ oḍokokʼa.” Ar Mose do Israelkoren murubbiko samaṅreye onkakeda.

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Jesaea 48:21

Tinre uni do hahaṅkar talateye ạyuretʼko tahẽkana unre onko do tetaṅte bako laṅgalena, ente dhiri khon dakʼe oḍok ocoleda; uni do dhiriye paṛakʼ ocoleda ar ona khon dakʼ oḍoklena.

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.

Jeheskel 20:15

Ona chaḍa ona hahaṅkarrege onko ṭheniń kiriạyena, iń emakʼ disạmge one okaṭakʼ disạmre toa, dumur rasa ar jãhãnakʼ reakʼ okulạnge bạnukʼ, okaṭakʼ disạm do sanam disạmko khon soros utạrge ona disạmte do bạń idikoa.

Numeri 14:30

Ar girobasokʼ lạgitʼ oka disạm emapeyiń gokʼletʼ eken Jephun hopon Kaleb ar Nunren hopon Josuạ chaḍa ar okoe hõ ona disạmte bako bolo ńama.

Dosar Biboron 1:21

Ar ńelpe, aperen Probhu Isor emakʼ goṭa disạmge ape samaṅre menakʼa. Aperen hapṛamkoren Probhu Isorakʼ katha leka senkate ape do disạm dokhol joṅpe. Ar alope botorokʼa, ar alope as chuṭạukʼa.’

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 8:3

Uni doe nindhạn ocoketʼpea, reṅgecʼ ocoketʼpea ar Mannae jom ocoketʼpea one ona reakʼ katha ape ar aperen hapṛamkoakʼ baḍae baṅ tahẽkan. Onate niạ sikhnạte emapekana, manwa do eken piṭhạ motote jiwetʼ bako tahena, menkhan Probhu Isorakʼ moca khon oḍokokʼkan mitʼke mitʼ kathatege jiwetʼko tahena.