Nehemiạ 9:13 - সান্তালী বাইবেল

¹³ “Am do Sinại buru cetanrem pheḍ hecʼlena ar serma khon onko sãote katham roṛleda. Ona jokhecʼ am do dhorom reakʼ hukum, ṭhikakʼ ạn-ạriko, bhage niạmko ar hukumkom ematʼko tahẽkana.

Nehemiạ 9:13 Iomraidhean Croise

2 Rapajko 17:37

Uni okaṭakʼ niạmko, ạn-ạriko, ar hukumko ape lạgitʼe ol akatʼ ona do joton salakʼ manaope. Ar deb debotako do alope sewawakoa.

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

Sereńko 119:137

E Probhu Isor, am dom dhoromgea; amakʼ bicạr do hok reakʼ kana.

Sereńko 119:160

Amakʼ sanam kathako do sạrigea; amakʼ mitʼke mitʼ dhoromte perecʼ ạn do jaejug hạbicʼ tahena.

Sereńko 119:4

Am do ạn ạrikom ṭhik dohoakada jemon joton salakʼ onale manao.

Exodus 16:23

Unre Mose do onkoe metatʼkoa, “Noa do Probhu Isorakʼ katha kangea. Gapa do jirạukʼ mãhã kana, ar Probhu Isor kangeae sonot jirạukʼ mãhã do. Onate tinạkʼpe rapakʼ daṛeakʼ ar tinạkʼpe teke daṛeakʼ ona do onkaepe; ar sarecʼakʼ do dosar hilokʼ lạgitʼ dohokakʼpe.”

Exodus 20:1

Inạ tayom Isore menkeda,

Exodus 20:22

Probhu Isor do Moseye metadea, “Am do Israelko noa katham lạiyakoa, ‘iń Probhu Isor do serma khon ape sãote okań roṛketʼ ona do apnarakʼ mẽtʼtegepe ńelkeda.

Jesaea 64:1

Serma oṛecʼkate baṛem pheḍ hecʼlen khan! Ar am samaṅre buruko dalmalaolen khan!

Jesaea 64:3

Ar oka bale as akan onkan botorakʼkom kạmiletʼre am dom pheḍ hecʼena ar buruko do am samaṅre daldalaolena.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Romiko lạgitʼ Pạul Apostolakʼ ciṭhi 7:16

Okaṭakʼ bạń khojkan, onageń kạmikan khan iń do noań aṅgocetʼ kana je, ạnko do bhagegea.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Dosar Biboron 4:33

se ape leka eṭakʼ jạtren hoṛko seṅgel tala khon Isorakʼ roṛ ańjomkate jiwetʼ menakʼkoa se baṅa.

Dosar Biboron 4:36

Uni do acʼakʼ ḍanṭao tabere ạgupe lạgitʼ serma khon acʼakʼ aṛaṅe ańjom ocoletʼpea ar ape do dhạrtire uniyakʼ ṭhonok reakʼ seṅgel, ar ona seṅgel tala khon uniyakʼ aṛaṅpe ańjomleda.

Dosar Biboron 4:8

Nonkan ar okoe jạtren menakʼkoa one onkoakʼ niạm ar ạn-ạriko ape ṭhen teheń iń emakʼ niạm leka hokte perecʼge?

Dosar Biboron 5:4

Probhu Isor do ona buru cetanre seṅgel tala khon abo samaṅre kathae roṛleda.