Nehemiạ 9:12 - সান্তালী বাইবেল

¹² Siń do rimil reakʼ khunṭite ar ńindạ do seṅgel reakʼ khunṭitem ạyurletʼkoa.

Nehemiạ 9:12 Iomraidhean Croise

Sereńko 105:39

Onko aḍko lạgitʼ uni do acʼakʼ rimile doholeda, ar ńindạ marsal emokʼ lạgitʼ seṅgele emena.

Sereńko 107:7

Uni do sojhe horteye idiketʼkoa jemon nagrahare senkate aloko girobas daṛeakʼ.

Sereńko 143:8

Setakʼre amakʼ asambheṛ dulạṛ reakʼ katha ańjomạńme, ente iń do am cetanregeń ṭehãḍ akana; ar okaṭakʼ horte calakʼ hoyokʼ ona hõ udukʼạńme, ente ińakʼ ontor do am secʼgeń rakapʼ akatʼtińạ.

Sereńko 78:14

Siń do rimilte ar ńindạ do seṅgel reakʼ marsalte onko do hore udukʼ idiyakokan tahẽkana.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Jeheskel 20:6

Enhilokʼ onko ṭhen arhoń kiriạlena, Misor disạm khon onkoń oḍok ạgukoa ar onko lạgitʼ okaṭakʼ disạmiń ṭhik dohoakatʼ ona disạmteń idikoa. Onḍe do toa ar dumur rasa ar jãhãnakʼ reakʼ okulạnge bạnukʼa; ona do sanam disạmko khon sorosgea.

Numeri 9:16

Ona tayom khon onkage hoyokʼ ehopʼena. Ar sekʼwa tạmbu do ona rimilte danaṅge tahẽyena ar ńindạ do seṅgel muṭhạn leka ńelokʼkan tahẽkana.

Numeri 9:21

Oka oka do ạyupʼ khon setakʼ hạbicʼ rimil tahenkan tahẽkana. Ar setakʼ bela tinre rimil ocogokʼkan tahẽkana unre onko do arhõko uṭhạukʼkan tahẽkana. Baṅ do sińkan ar baṅ do ńindạkan onko do rimil ocokʼlen khangeko mohnḍakʼkan tahẽkana.

Dosar Biboron 1:33

Unige coṅ ḍera ṭhạ̃i ṭhik lạgitʼ ar hor udukʼ idiape lạgitʼ ńindạ do seṅgel khunṭire ar siń do rimil khunṭire tahẽkate apeye ạyur idiyetʼpe tahẽkana.