Nehemiạ 8:6 - সান্তালী বাইবেল

⁶ Unre Esra do maraṅ Probhu Isore sarhaokedea ar sanam hoṛ do ti tul kateko menkeda, “Amen, Amen.” Ar otre ombakʼkate Probhu Isorko sewawadea.

Nehemiạ 8:6 Iomraidhean Croise

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Genesis 24:26

Unre uni guti do ombakʼente Probhu Isore sewawadea are menkeda,

1 Bõsbudạ 16:36

Sirjạu reakʼ etohopʼ khon jaejug hạbicʼ Israelkoren Probhu Isorakʼ sarhao baṛe hoyokʼtae ma.” Inạ tayom sanam hoṛko menkeda, “Amen, Probhu Isorakʼge sarhao hoyokʼtaema.”

1 Bõsbudạ 29:10

Dạud do sanam hoṛko samaṅre noa menkate Probhu Isor sarhaoeye ehopʼena, “E Probhu Isor, aleren hapṛam Israelren Isor, etohopʼ khon mucạtʼ hạbicʼ amakʼ sarhaoge hoyokʼtam ma.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

2 Bõsbudạ 20:18

Unre Jehosaphat do otreye ombakʼena ar Jihudạ ar Jerusalemren sanam hoṛko hõ Probhu Isor samaṅre otreko ombakʼena.

2 Bõsbudạ 29:10

Iń do ńitokʼ Israelren Probhu Isor sãote mitʼṭecʼ bondobos reakʼ iń khojkana jemon uniyakʼ botoranakʼ edre abo cetanre alo paṛaokʼ.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

2 Bõsbudạ 6:4

Ona tayom uniye menkeda, “Israelkoren Probhu Isorakʼ sarhao hoyokʼtaema. Uni do ińren ạpuń Dạud ṭhen acʼakʼ mocate okae gokʼletʼ ona do acʼgeye purunkeda. Uni doe menleda,

Nehemiạ 5:13

Iń do ińakʼ samaṅ secʼ koṭaketʼteń menkeda, “Okoe noa gokʼakʼ bae rukhiyại Isor do onko mimitʼko onkoakʼ oṛakʼ-duạr ar sompotti khon nonkageye koṭa giḍikakoa. Nonkan hoṛko do nonkageko koṭa giḍi ocokʼa ar onkoakʼ do sanamakʼ cabakʼ takoa.” Niạ katha ańjomkate sanam hoṛko menkeda, “Amen,” ar onko do Probhu Isorko sarhaokedea. Manotan hoṛko do akoakʼ gokʼakʼ lekageko kạmikeda.

Nehemiạ 8:7

Jesua, Bani, Serebia, Jamin, Akub, Sabethai, Hodia, Makʼaseya, Kelita, Asaria, Josabad, Hanan, Pelaia-ar sanam Liwiko do onḍe teṅgo tahekan hoṛko ạn-ạri reakʼko bujhạuatʼkoa.

Sereńko 134:2

Sonotakʼ ṭhạ̃i secʼ ti tultape ar Probhu Isor sarhao sereńaepe.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Sereńko 28:2

Goṛo ńam lạgitʼ amiń hohowamre ar amakʼ sonot ṭhạ̃i secʼ tiyiń rakabtińre ińakʼ nehõr joṅakʼ baṛe ańjomtińme.

Sereńko 41:13

Pạhil khon mucạtʼ hạbicʼ Israelren Probhu Isorakʼge sarhao hoyokʼtae ma. Amen, amen.

Sereńko 63:4

Iń do jiwetʼ tahen bhor amiń sarhaomea; ar am ṭhen iń do ti tulkateń koejoṅa.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.

Exodus 12:27

Unrepe lạiyakoa, ‘noa do hoyokʼ kana Probhu Isor ńutumte bańcaokʼ porob reakʼ dãṛẽ, ente Misor disạmre tahen jokhecʼ uni do Israelkoakʼ oṛakʼko bad oṭokateye parom senlena. Uni do misrikoe gocʼketʼkoa menkhan ale doe rukhiyạketʼlea.’ ” Inạ tayom Israelko do ombakʼkate Probhu Isorko sewawadea.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Jirimiạ 28:6

Uni doe menkeda, “Amen, Probhu Isor do onageye onkaema. Probhu Isorakʼ oṛakʼ reakʼ jinisko ar Babel khon sanam bondiko nonḍe ruạṛ ạgukote Probhu Isor do amakʼ nạbi katha reakʼgeye purạu ma.

Rak̕joṅ 3:41

Dela, aboakʼ mon ar ti do sermaren Isor secʼ rakapʼkate bon menma,

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

1 Korinthiko 14:16

Am do Jiutem gunmanao johar khan ona pạrsi bin baḍaeyicʼ hoṛ onḍe hạjire tahenre cekate amakʼ gunmanao joharakʼre uni do Amene mena? Ente am cetʼem menetʼkan uni do bae bujhạueda?

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Johan sodor 7:11

Ona tayom sermaren goḍetko do sanamkoge ona siṅghạsonren, mukhiyạko ar ponea jiwiyanko beṛhaeteko teṅgoyena. Onko do siṅghạson samaṅre ombakʼkate Isor sewawadeteko menkeda,