Nehemiạ 8:17 - সান্তালী বাইবেল

¹⁷ Bondi dosa khon ruạṛ hecʼakan goṭa dolrenkoge chamḍa oṛakʼ benaokate onakoreko tahẽyena. Nunren hopon Josuạ okte khon enhilokʼ hạbicʼ Israelko do nonka ar bako kạmi akatʼ tahẽkana. Ar onko do ạḍiko rạskạyena.

Nehemiạ 8:17 Iomraidhean Croise

1 Bõsbudạ 29:22

Enhilokʼ onko do Probhu Isor samaṅre rạskạ salakʼko jom ńũkeda. Onko do Dạudren hopon Solomon do dosar raj menteko aṅgockedea ar Sadok do naeke menkate Probhu Isor ńutumteko ojokʼ bahalkedea.

2 Bõsbudạ 30:26

Jerusalemre do ạḍi rạskạ hoyena; Israelren raj Dạudren hopon Solomon tayom Jerusalemre nonka porob do ar bako porob akan tahẽkana.

2 Bõsbudạ 35:18

Samuel nạbi tayom ar Israelko do bańcaokʼ porob tishõ nonka do bako porob akan tahẽkana. Naekeko, Liwiko ar Jerusalemren hoṛko sãote jarwa akan Jihudạ ar Israelren sanam hoṛkoante Josiạ cetʼ leka bańcaokʼ porobe poroben onka do Israel rajko modre ar okoege bako porob daṛeatʼ tahẽkana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Esra 3:4

Ona tayom onko do sostor reakʼ katha leka Chạuni porobko porobena ar niạm lekate dinạm hilokʼ reakʼ niṭakatʼ lekha leka jeredokʼ samaṅokʼakʼko samaṅetʼ tahẽkana.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Dosar Biboron 16:15

Aperen Probhu Isor okaṭakʼ ṭhạ̃iye bachao joṅ onḍe ape do uni ńutumte eae din hạbicʼ niạ porobpe porobokʼa, ente apeakʼ rakapʼakʼ sanam phosol ar sanamakʼ kạmire aperen Probhu Isor do apeye bhorapea ar purạtepe rạskạjoṅa.

Ibriko 11:13

Noko hoṛko do pạtiạu talate jion khemaokateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Ibriko 11:9

Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;

Ibriko 4:8

Ente Josuạ do ona jirạu joṅ jaegare Israelkoe idileko khan honaṅ Isor do tayomte ar mitʼṭecʼ eṭakʼ din reakʼ katha ohoe roṛlea.

Josuạ 1:1

Probhu Isorren guti Moseyakʼ gujukʼ tayom Probhu Isor do Moseren gokʼṛoyicʼ Nanren hopon Josuại metadea,