Nehemiạ 8:15 - সান্তালী বাইবেল

¹⁵ ar onkoakʼ atoko ar Jerusalemre onko do niạko lại jạhira, “Cetʼleka ol menakʼ onkage ape do buru ṭoṭhakote senkate chamḍa oṛakʼ benao lạgitʼ jạitun dare reakʼ ḍạrko ar bir jạitun reakʼ ḍạrko, mehndi ḍạrko, khijur ḍạrko ar jhạṛpạ dare reakʼ ḍạrkope ạgudaraea.”

Nehemiạ 8:15 Iomraidhean Croise

Genesis 8:11

Ar ạyubokʼ jokhecʼ potam do jahajre Noha ṭhene ruạṛ hecʼena ar ṭhonṭate jạitun dare reakʼ mitʼṭecʼ sakame ger ạgukeda. Onate Noha doe bujhạukeda ot khon dakʼ do ańjetʼ akana.

Levitikus 23:4

Probhu Isor okako porobe niṭ dohoakatʼ, metakʼme okako sonot jarwakʼkan ona reakʼ niṭakʼ dinpe lại sodora:

Levitikus 23:40

Pạhilakʼ dinre ape lạgitʼ dare reakʼ joto khon bhageakʼ jo, khijur sakam, suṛukucʼ dareko ar jhạṛpạ dareko reakʼ ḍạrkope ạguiya. Ona tayom eae din ape do aperen Probhu Isor samaṅrepe rạskạ hulạsokʼa.

Sakariạ 1:8

Ńindạ jokhecʼ iń Sakariạ do mitʼṭecʼ dorson iń ńelkeda. Iń doń ńelkeda, manwa leka ńelokʼte mitʼṭen serma goḍet do arakʼ sadomreye decʼakana. Ar sadom do mitʼṭecʼ copotʼ jaegare mehendi dareko talareye teṅgo akana. Ar uni hoṛ tayomre do arakʼ, sãoṛa ar ponḍ roṅan sadomko tahẽkana.

Mathae 21:1

Jisu ar uniren celako do Jerusalem sor Jạitun buru ṭhenakʼ Bethaphage ato ṭhenko seṭerena. Unre Jisu do barea cela noa menkateye kolketʼkinạ,

Johan 12:13

Unre onko do khijur ḍạr sapʼkate daram ạguiye lạgitʼko oḍok calaoena ar ãṭ aṛaṅte hohowate memenko ehopʼena, “Hosanna, bhorangeae Probhu Isor ńutumte daraekạnicʼ, Israelkoren raj do.”

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.