Nehemiạ 8:12 - সান্তালী বাইবেল

¹² Unre disạmren sanam hoṛko do rạskạ salakʼ jom-ńũi lạgitʼ ar jomakʼ hĩs khon kol lạgitʼko ruạṛ calaoena, ente okako katha onkoko baḍae ocolen ona doko bujhạu daṛeada.

Nehemiạ 8:12 Iomraidhean Croise

1 Bõsbudạ 29:22

Enhilokʼ onko do Probhu Isor samaṅre rạskạ salakʼko jom ńũkeda. Onko do Dạudren hopon Solomon do dosar raj menteko aṅgockedea ar Sadok do naeke menkate Probhu Isor ńutumteko ojokʼ bahalkedea.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Nehemiạ 8:11

Liwiko do sanam hoṛko hape ocoketʼkoteko metakʼkoa, “Ape do hape akae tahenpe, ente teheńakʼ din do sonotakʼ din kana. Ar alope dukokʼa.”

Nehemiạ 8:13

Ona cando reakʼ dosarakʼ dinre sanam bõsren mathako, naekeko ar Liwiko do ạn-ạriko mońjte bujhạu lạgitʼ dhorom guru Esra ṭhenko jarwa mitʼena.

Ester 9:22

Niạ reakʼ karon do hoyokʼkana, niạkin dinre Jihudiko do akoren bạirikoakʼ ti khon rukhiyạko ńamleda ar inạ candoge onkoakʼ duk ar hae haeyokʼ do sukte pheraolena. Uni do onkoe olatʼkoa jemon onakin din do hulạsateko manao arko bhoj ar eṭakʼko ṭhen do jomakʼ ar reṅgecʼko do sandesko emakote ona dinko manao.

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Sereńko 119:111

Amakʼ gohawakʼko jaejug hạbicʼ iń ạidạri akawana; onate ińakʼ ontor do rạskạkʼ kana.

Sereńko 119:127

Onate iń do amakʼ sanam hukumko sona khon, khạṭi sona khon hõ bạ̃ṛtiń dulạṛeda.

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 119:14

Manwa damanakʼ dhone ńam lekhan cetʼlekae rạskạkʼ, onkage amakʼ katha manaote iń doń rạskạkʼ kana.

Sereńko 119:16

Amakʼ ạnrege rạskạ doń ńameda; ar amakʼ katha do bạń hiṛiń daṛeakʼ kana.

Sereńko 119:171

Ińakʼ luṭi khon amakʼ sarhao do heḍecʼ oḍokokʼma, ente amge amakʼ ạn reakʼem cetʼạń kana.

Sereńko 119:174

E Probhu Isor, amem bańcaoiń iạte iń doń koyokʼ horakada; amakʼ sanam hukumkoge iń ṭhen do rạskạ reakʼ kana.

Sereńko 119:72

Amakʼ moca reakʼ hukum iń ṭhen do hajar hajar sona rupạ khon hõ damangea.

Sereńko 119:97

Iń do amakʼ hukum ạḍiń dulạṛeda! Ar goṭa dinge onań ganḍonjoṅ kana.

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Luk 24:32

Ado ạkin talare kin menjoṅana, “Horre uni do alaṅ sãoteye galmaraokan tahẽkanre ar sonot sostor reakʼe bujhạu alaṅkan tahekanre mon do cetʼ baṅ lolokʼkan tahẽkana?”

Romiko lạgitʼ Pạul Apostolakʼ ciṭhi 7:18

Ińiń baḍaea ińre, metakʼme ińakʼ jel reakʼ sanare bhage mente do cetʼge bạnukʼa. Ar okaṭakʼ sạrige bhageakʼ kan ona kạmi reakʼ sana do menakʼgea menkhan daṛe do bạnukʼtińa.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.