Nehemiạ 7:4 - সান্তালী বাইবেল

⁴ Nonkage bebosta hoyena, ente Jerusalem nagraha do ạḍi maraṅ ar ḍher jaegakowante tahẽkana, menkhan hoṛko do thoṛageko tahẽkana ar oṛakʼ-duạrko hõ unhạbicʼ do baṅ benao akan tahẽkana.

Nehemiạ 7:4 Iomraidhean Croise

Nehemiạ 11:1

Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

Nehemiạ 11:2

Okoeko hoṛ do akoakʼ kusileka Jerusalemre girobasokʼ lạgitʼko khojketʼ hoṛko do onkoko sarhaoketʼkoa.

Nehemiạ 7:3

Iń do unkin iń metatʼkinạ, “Setoṅ ạuri sạrdikʼ hạbicʼ Jerusalem reakʼ silpińko jemon alo jhijokʼ. Rurukhiyạko calakʼ lahare jemon duạrko sińkakʼ ar huṛkạṛko lagaokakʼ. Jerusalemren hoṛko mod khon jemon pahradarko bahal ocokʼ. Onkoren adomko do pahara jaegare ar adomko do apan ạpin oṛakʼ sorreko tahenma.”

Nehemiạ 7:5

Isor do ińakʼ monreye hudis ocokedińạ jemon manotan hoṛko, mukhiyạko ar disạm hoṛkoń jarwa mitʼ ocokote onko do bõs tạlikareń caṛhao daṛeako. Okoe do pạhilreko ruạṛ hecʼlen onko hoṛkoakʼ bõs tạlika doń ńamkeda. Onare oka ol tahẽkan ona do nonka leka:

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.