Nehemiạ 6:6 - সান্তালী বাইবেল

⁶ Onḍe ol tahẽkana, “Eṭakʼ eṭakʼ jạtrenko ṭhen niạ katha ańjomokʼ kana ar Gemes hõe meneda, am ar Jihudiko do hul reakʼpe soṛojontro kana ar onate pạcripe benaoeda. Ona chaḍa niạko khobor lekate bujhạukʼ kana, am do onkoren raj hoyokʼem meneda.

Nehemiạ 6:6 Iomraidhean Croise

Esra 4:12

Maharaj do baḍae jạruṛtaea je, am ṭhen khon okoe Jihudiko ale ṭhenko hecʼakan onko do Jerusalemteko sen akana ar huhul ar bạṛicʼ nagraha arhõko benao rakapʼeda; onko do ona reakʼ bhit ar rehetʼko bạisạu aroyeda.

Esra 4:15

Onate raj do acʼren hapṛamkoakʼ Itihãs puthire sendrakateye ńelma. Ona puthire ol menakʼa, Jerusalem do mitʼṭecʼ huhul nagraha kana; niạ nagraha do rapajko ar disạmkoren cakʼlaoko ạḍi sasete em akatʼkoa ar ḍher laha khonge ona nagrahare do hulko hõ hoe hijukʼkana. Ar ona iạtege nagraha do ḍahao maraolena.

Nehemiạ 2:19

Menkhan Horoni Sanbalat, Amoni Tobiạ ar Arabi Gesem teko do niạ katha ańjomkateko landa dhutʼatʼlea. Onkoko menkeda, “Ape do cetʼ pe ceka kana? Ape do cetʼ raj upạrtepe hula?”

Nehemiạ 6:13

Uni do ṭakae em ocolena jemone botor ocoyiń ar uniyakʼ katha leka kạmikate jemoniń kại, arko durnam ocoyińte lajaoreko paṛaoiń.

Nehemiạ 6:5

Ona tayom mõṛẽ dhaore Sanbalat do inạ khoborantege acʼren guti iń ṭhene kolkedea. Uniyakʼ tire do mitʼṭecʼ ciṭhi tahẽkana.

Nehemiạ 6:7

Am reaṅ niạ katha jemon Jerusalemre lại saḍekʼ baṅma Jihudạre mitʼṭen raj menaea, onate am do nạbikom bahal akatʼkoa. Ńitokʼ niạ khobor do raj ṭhen seṭerokʼa. Onate dela hijukʼme, abo do mitʼṭecʼ bon sopolhaema.”

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Mathae 5:11

“Bhạgangeape iń iạte hoṛko opoman arko santao lepere ar ạuṛiyakʼte sanam lekan bạṛicʼakʼ reaṅko roṛlepere.

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Johan 19:13

Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭecʼ bicạr jaegareye duṛupʼena. Ibrite ona jaega do Gabbathako metakʼkan tahẽkana.

Romiko lạgitʼ Pạul Apostolakʼ ciṭhi 3:8

Enḍekhan cetʼ noa katha bon mena, “Dela, bạṛicʼakʼ bon kạmi idima jemon bạṛicʼakʼ hotete bhageakʼ hoyokʼtabon?” Adom adom hoṛko nisṛạuetʼbona je, abo do nonkan kathage bon roṛ baṛayeda. Onko do akoakʼ sạjạiko ńamjoṅa.

2 Korinthiko 6:8

Hoṛko manotle ar bako manotle, ale reaṅ mońjko roṛ ar bạṛicʼko roṛ, menkhan ale dole sạbud akada Isorren sapʼdapʼko kanale. Hoṛ do ṭhokko metalekana, menkhan ale do sạriyakʼ horrele taṛameda.

1 Patras 3:16

Apeakʼ bibek do sapha dohoytape, jemon Mạsiren hoṛ lekate apeakʼ bhage colon iạte okoeko oktawape onko do lajaoreko paṛaokʼ.