Nehemiạ 6:16 - সান্তালী বাইবেল

¹⁶ Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Nehemiạ 6:16 Iomraidhean Croise

Nehemiạ 2:10

Israelkoakʼ bhạlại lạgitʼ mitʼṭen hoṛe hecʼakan reakʼ katha ańjomkate Horoni Sanbalat ar Amoni kạmiyạicʼ Tobiạ tekin do bạkin kusilena.

Nehemiạ 4:1

Sanbalat do pạcri bhit arhõle jut aroyetʼkane ańjomketʼ khan ạḍitetʼe bekusiyena ar edreteye seṅgelena. Uni do Jihudikoe cigạriyatʼkoa.

Nehemiạ 4:7

Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

Nehemiạ 6:17

Onako dinre Jihudạren manotan hoṛko do Tobiạ ṭhen aema ciṭhiko koletʼkan tahẽkana ar Tobiạ ṭhen khon hõ onko do roṛ ruạṛko ńametʼ tahẽkana.

Sereńko 109:27

Onkoko baḍaema noa kạmi do amakʼ kangea; ar amge, E Probhu Isor, noa dom kạmi akada.

Sereńko 126:2

Unre aboakʼ mẽtʼãha do rạskạte perecʼena, ar alaṅ do hulạskote. Unre eṭakʼ jạtren hoṛko roṛetʼ tahẽkana, “Probhu Isorge onko lạgitʼ aema bhageakʼe kạmi akada.”

Sereńko 129:5

Okoe Sionko kurudakʼ kan onko doko lajao ocokʼma arko pạc ruạṛokʼma.

Sereńko 147:2

Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Exodus 14:25

Ona chaḍa uni do rãt gạḍiko reakʼ pạihạ̃ko hõe totʼgiḍikatʼ takoa; onate rãt gạḍi cakʼlao hoṛ do ạḍi kosṭo hoyen takoa. Unre misriko doko menkeda, “Dela, abo do Israelko bạgikate bon dạṛ joṅma, ente Probhu Isorge Israelko secʼ hoykate abo upạrteye lạṛhại kana.”

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Numeri 23:23

Jakob cetanre jãhãn gonokko do ohoge cahṭao daṛelena; Israelko cetanre jãhãn mantar hõ ohoge cahṭaolena. Jakob, metakʼme Israel reaṅ do ńitokʼ noa katha menogokʼa, ‘Isor okae ceka akatʼ ona ńelme.’

Aposkạmi 5:38

Onateń metapekana, noko hoṛko cetanre cetʼge alope cekaea. Noko do aṛakʼkakope, ente nokoakʼ monsubạ ar kạmiko manwa secʼ khonakʼkan khan ona do maraokʼa.

Josuạ 2:11

Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.