Nehemiạ 6:14 - সান্তালী বাইবেল

¹⁴ E ińren Isor, Tobiạ ar Sanbalat tạkin okaṭakʼ kin kạmi akatʼ ona do disạ dohokakʼme. Maejiu nạbi Noadiạ ar sarecʼ nạbiko okoe do iń botor ocoyiń reakʼko kurumuṭuletʼ onkoakʼ katha hõ disạ dohokakʼme baṛe.

Nehemiạ 6:14 Iomraidhean Croise

Nehemiạ 13:29

E ińren Isor, nokoakʼ katha disạ dohoyme, ente noko do naeke hudạko bhõnḍ akada ar naeke ar liwikoakʼ kạmi reakʼ bondobosko rạputʼ akada.

Nehemiạ 5:19

E ińren Isor, noko hoṛko lạgitʼ iń okakoń kạmi akatʼ ona iạte bhạlạyiń do alom hiṛińa.

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Sereńko 22:1

E ińren, Isor E ińren Isor, cedakʼem bạgi giḍiwạdińa? Iń rukhiyạyiń baṅkate, ińakʼ rakʼ koejoṅ ańjom baṅkate, cedakʼem pharak akana?

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Jirimiạ 14:15

Okoeko nạbi do iń ńutumteko nạbiyetʼkan onko reaṅge iń Probhu Isor do noa kathageń menetʼkana, onko do bạń kol akatʼkoa, enhõko meneda, ‘niạ disạmre jãhãn lạṛhại se akal do baṅ hoyokʼa.’ Menkhan onko nạbi do jotoge lạṛhại ar akalteko marao utạrokʼa.

Jirimiạ 14:18

Bahreteń oḍok calakʼkan khan iń do mạ̃ṛĩkoń ńeleda; ar nagrahateń bolokʼkan khan do akalte kosṭokʼkan hoṛkoń ńeletʼkoa. Naeke ar nạbiko do nonkan disạmreko dãṛãbaṛae kana one ona reaṅ cetʼge bako baḍaekan.’ ”

Jirimiạ 28:1

Inạ bochorge, Jihudạren raj Sedekiạwakʼ rajokʼ pạhil secʼ, metakʼme ponakʼ bochor reakʼ mõṛẽakʼ candore Gibeon nagraharen Asur hopon Hananiạ nạbi do Probhu Isorakʼ oṛakʼre naekeko ar sanam hoṛko samaṅre Jirimiạ noa kathae metadea,

Jirimiạ 28:10

Inạ tayom Hananiạ nạbi do Jirimiwakʼ taren reakʼ arãṛe rạputʼkeda.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Mathae 24:11

Ạḍi utạr eṛe nạbiko oḍok hijukʼa ar aema hoṛko bulạukoa.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.