Nehemiạ 6:12 - সান্তালী বাইবেল

¹² Iń doń bujhạu ńamkeda, Isor do uni bae kol akadea; Tobiạ ar Sanbalat do ṭakakin emakawadete iń upạrte noako kathae roṛeda.

Nehemiạ 6:12 Iomraidhean Croise

Nehemiạ 6:11

Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Nehemiạ 6:13

Uni do ṭakae em ocolena jemone botor ocoyiń ar uniyakʼ katha leka kạmikate jemoniń kại, arko durnam ocoyińte lajaoreko paṛaoiń.

Jesaea 56:11

Onko do lebṛa seta lekanako, onko do bikʼ bako baḍaea. Onko do bebuj gukʼpiko lekanako; jotokoge apan ạpin horteko ruạṛ calao akana ar apnarakʼ lab reakʼko kurumuṭu kana.

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jeheskel 13:19

Mitʼ bar cuputʼ jao ar mitʼ bar goṭecʼ piṭhạ lạgitʼ ape do ińren hoṛko samaṅre ińpe besonot akadińạ. Ińren hoṛko, okoe do eṛe kathako ańjometʼ, onko ṭhen eṛe katha roṛkate okoe do gujukʼ lekko baṅkan onkope gocʼ ocoakatʼkoa ar okoe jiwetʼ tahen lekko baṅkan onko do jiwetʼpe doho akatʼkoa.

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Jeheskel 13:7

Onko do cetʼ eṛe dorson bako ńeleda ar eṛe gona-poṛa bako kạmiyetʼ kana? Onko doko meneda, iń do noa kathań meneda, menkhan iń do bạń roṛakada.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Aposkạmi 20:33

Jãhãekoakʼ sona, rupạ se kicricʼ khạnḍwạkʼ cetanre iń do bạń laloc akana.

1 Korinthiko 12:10

ar adomko do judạ judạ pạrsite roṛ reakʼ daṛe se judạ judạ pạrsite torjoma reakʼ daṛe ini mitʼ Jiugeye kạmi ocoyeda.

1 Korinthiko 2:15

Okoe hoṛ doe Jiutenicʼkan uni do jotowakʼkoe tojbijeda, menkhan okoe hõ uni do bako tojbij daṛeaea.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

1 Patras 5:2

Ape talare menakʼ Isorakʼ palren gupiko hoyokʼpe. Ńel todarotkope hoyokʼkante onkope ńelkoa ona do baṅ, bickom apnarakʼ monejoṅ lekatege gupikope, ente Isor do ape ṭhen onageye khojkana. Porho ńam lạgitʼ do alope kạmiya, menkhan gagoj monte kạmipe;

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

1 Johan 4:1

E dulạṛiạ gidrạkotiń, joto Jiu do alope pạtiạu akoa, bickom biḍạu aṭkarkope onko do Isor khonko hecʼakana se baṅa, ente dhạrtire aema eṛe nạbikoko oḍok akana.

Johan sodor 18:13

darcini jut so mosola, dhup, mahkaokʼ sunum, kunduru, darkha rasa, jạitun reakʼ sunum, holoṅ ar guhum; ḍaṅgrako, bhiḍiko, sadomko ar gạḍiko ar golamkoge.