Nehemiạ 5:9 - সান্তালী বাইবেল

⁹ Iń do arhõń metatʼkoa, “Ape okape cekakan ona do ṭhikakʼ do baṅkana. Be-Jihudi bạiriko jemon aloko henosta daṛeabon onate aboren Probhu Isor botorae seletʼ calakʼ do cetʼ lek baṅkan tabona?

Nehemiạ 5:9 Iomraidhean Croise

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Genesis 42:18

Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.

2 Samuel 12:14

Menkhan noam kạmi akatʼte am do Probhu Isorren bạiriko nindạu reakʼ ạtem ematʼkoa. Ona iạte amren okoeṭakʼ gidrại janam akan uni do khạṭigeye gujukʼa.”

Nehemiạ 4:4

Unre Nehemiạ doe koekeda, “E aleren Isor, ańjomtaleme baṛe cetʼlekale nihạ̃t ocokʼ kana mente. Onkoakʼ henosta do onkoakʼ bohokʼrege baṛe ruạṛ ocoytakome. Am do nonkaeme jemon onko do bondikate luṭ reakʼ jinis lekate eṭakʼ disạmko idi ocokʼ.

Nehemiạ 5:10

Hoṛko ṭhen ińakʼ, ińren boehako ar ińren kạmiyạkoakʼ hõ ṭaka ar anaj reakʼ paona menakʼa. Menkhan dela, abo do noako bon ikạkakʼma.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Kạhtukko 16:29

Santaokan hoṛakʼ jion ńelte eṭakʼko do laloc hecʼakoa ar bạṛicʼ horteko calakʼa.

Kạhtukko 17:26

Dhorom hoṛ ḍanḍome do baṅ bhagea se coṭ hudạren hoṛakʼ sạriạkʼtetʼ iạte dale hõ baṅ ṭhika.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Kạhtukko 19:2

Ạkil baṅ tahen hõ baṅ bhagea; okoe hoṛ usạrate joto kạmiye menjoṅ uni doe bhulgea.

Kạhtukko 24:23

Noako hõ ạkilan hoṛkoakʼ katha kana. Bicạrre hoṛakʼ mẽtʼãhã beṅgetʼakʼ do baṅ bhagea.

Jeheskel 36:20

Ar jạt jạtrenko talare jãhãregeko senlen onḍege ińakʼ sonot ńutumko besonot letʼtińạ, ente hoṛ do onko reaṅko roṛetʼ tahẽkana, ‘Probhuren hoṛ kanako, enhõ uniyakʼ disạm khon oḍokʼ hijukʼ hoyentakoa.’

Levitikus 25:36

Uni ṭhen khon jãhãn sud alope hataoa, bickom uni hoṛ jemon ape talareye tahẽdaṛeakʼ ona lạgitʼ aperen Isor botoraepe.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Romiko lạgitʼ Pạul Apostolakʼ ciṭhi 2:24

Sonot sostorre olakana, “Ape iạtege boṅgan hoṛ jạtrenko do Isorakʼ ńutumko henostawakʼ kana.”

1Timothi 5:14

Onate iń do noań hukumape kana, kom umerren rạnḍi maejiu doko baplakʼma, arko gidrạ eṅgatokʼma, apan ạpin gharońjko ńel todarotma ar teṅgo daramicʼe oktae reakʼ jãhãn dão aloko emaema.

Titus lạgitʼ Pạul Apostolakʼ ciṭhi 2:5

ar apnartetʼko sambṛaokʼma, napaeko tahenma, gharońjko disạima, dayakʼkoko hoyokʼma ar jãwãe gobolreko tahenma, jemon okoe hõ Isorakʼ katha aloko bemanot.

1 Patras 2:12

ente onako do aperen Jiu upạrteye lạṛhại kana. Okoe Isor bako baḍae akade onko talare ape do dhoromte colonpe jemon bedhoromko menteko dusạulepere hõ apeakʼ bhage kạmi ńelte ar bicạr dinre apeakʼ ona kạmiko iạte Isorko sarhaoe.

1 Samuel 2:24

E bạbu, Probhu Isorren hoṛko oka kathako roroṛkaniń ańjometʼko ona do baṅ bhagea.