Nehemiạ 5:8 - সান্তালী বাইবেল

⁸ Ińiń menkeda, “Be-Jihudiko ṭhen okoeko boehako ạkhrińlen tabon onko do daṛeakʼ bhor bon chaḍao ạgu akatʼkoa.” Ar ńitokʼ do aperen boehako ạkhrińokʼpe jormoṭetʼkoa, onate onko do arhõ kiriń ruạṛ lagao abona.” Niạ katha ańjomkate onko do hapegeko tahẽyena, ente roṛ ruạṛ reakʼ cetʼge baṅ tahẽkantakoa.

Nehemiạ 5:8 Iomraidhean Croise

Nehemiạ 5:9

Iń do arhõń metatʼkoa, “Ape okape cekakan ona do ṭhikakʼ do baṅkana. Be-Jihudi bạiriko jemon aloko henosta daṛeabon onate aboren Probhu Isor botorae seletʼ calakʼ do cetʼ lek baṅkan tabona?

Jobakʼ 29:10

unre mukhiyạkoakʼ aṛaṅ do thirokʼkan tahẽkana, onkoakʼ alaṅ do tạrure jalatʼ hapekʼkan tahẽkana.

Jobakʼ 32:15

“E Job, noko doko keklesetʼena, noko do ar roroṛteakʼ cetʼge bạnukʼtakoa; onkoakʼ katha do cabayentakoa.

Exodus 21:16

“Jãhãege mitʼṭen hoṛ kombṛokateye ạkhrińe se uni tireye ńamokʼ, enḍekhan uni hõ khạṭigeye gocʼ ocokʼa.

Mathae 22:12

ar bapla bhoj kicricʼ baṅ horokʼ akatʼ mitʼ hoṛe ńel ńamkedea. Raj do uniye kulikedea, ‘henda ho, bapla bhoj kicricʼ begorte cekate nonḍe dom boloyena?’ Khange uni doe keklesetʼena ar cetʼge bae roṛ ruạṛ daṛeada.

Mathae 25:15

Uni do gutikoakʼ daṛe leka mitʼ hoṛ do mõṛẽ hajar, ar mitʼ hoṛ do bar hajar ar eṭakʼicʼ do mitʼ hajar ṭakae emadea.

Mathae 25:29

Ente okoeyakʼ menakʼtae uni do arhõe emocokʼa ar onate uniyakʼ do aema hoyokʼtaea. Menkhan okoeyakʼ bạnukʼtae uni do oka menakʼtae ona hõe recʼ ocokʼa.

Romiko lạgitʼ Pạul Apostolakʼ ciṭhi 14:15

Jãhãn jomakʼ iạte amren boeham duk ocoyedekan khan am do bam dulạṛede kana. Okoe lạgitʼ Mạsiye gocʼlen, jomakʼ karonte uni do alom nasao ocoyea.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

1 Korinthiko 8:11

Onkate amakʼ akel karonte nijoricʼ one okoe lạgitʼ Mạsiye gocʼlen, uni doe nosṭokʼa.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.