Nehemiạ 5:15 - সান্তালী বাইবেল

¹⁵ Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Nehemiạ 5:15 Iomraidhean Croise

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Genesis 42:18

Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.

Nehemiạ 5:16

bickom iń do niạ pạcri reakʼ kạmire lạgiạ paṛao akaniń tahẽkana. Ińren sanam gutiko hõ kạmi lạgitʼ onḍeko jarwakʼkan tahẽkana. Ale do okoege jumi do bale kirińleda.

Nehemiạ 5:9

Iń do arhõń metatʼkoa, “Ape okape cekakan ona do ṭhikakʼ do baṅkana. Be-Jihudi bạiriko jemon aloko henosta daṛeabon onate aboren Probhu Isor botorae seletʼ calakʼ do cetʼ lek baṅkan tabona?

Jobakʼ 31:23

ente iń do Isor emakʼ sạjạiyiń botorakʼ kana; uniyakʼ ṭhonok do nunạkʼge ḍhera, uni botorte onako do ohoń kạmi daṛekea.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jirimiạ 32:9

Onate iń kakaren koṛa Hanamel ṭhen khon Anathot reakʼ ona jumiń kirińkeda ar mitʼsae irạlgel eae gram rupạń soṅadea.

Rak̕joṅ 5:8

Golamkoge ale cetanre mạlikiko calaoeda; onkoakʼ ti khon bańcaole lạgitʼ celege bạnukʼkoa.

Mathae 5:47

Eken apekoren hoṛgepe joharako kan khan enḍekhan eṭakʼko khon bạ̃ṛti do cetʼpe cekayeda? Boṅgan hoṛ jạtrenko hõ cetʼ bako onkayeda?

2 Korinthiko 11:9

Ape ṭhen tahẽkateń ṭonṭalenre okoe hõ bhar do bạń ladeyatʼpe tahẽkana, ente Makedoniạ khon okoe boehako hecʼlen onkoge ińakʼ ṭonṭawakʼko purunletʼa. Ar okalekate hõ iń do aperen bojha bạń hoyokʼa ar bạń hoyakana.

2 Korinthiko 12:13

Eṭakʼ eṭakʼ manḍerko khon ape do oka secʼte hõ bape huḍińa; eken mitʼṭecʼtepe huḍińgea, ona do noage, aperen bojha bạń hoyakana. Ar noa behokakʼ do ikạ kạtińpe baṛe.

1 Samuel 8:15

Apeakʼ anaj ar darkha rasa reakʼ mitʼ hĩs hataokate uni do acʼren rajren kạmiyạko ar eṭakʼ kạmiyạkoe emakoa.