Nehemiạ 4:9 - সান্তালী বাইবেল

⁹ Menkhan ale do aleren Isor ṭhenle koekeda ar onko botorte siń ńindạ pahrae lạgitʼle bebostakeda.

Nehemiạ 4:9 Iomraidhean Croise

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Nehemiạ 4:10

Inạkʼtege Jihudạren hoṛko menkeda, “Kạmiyạ hoṛ doko nijor idikʼkana ar gejer dhiriko do nunạkʼ ḍhera je, ale do pạcri ar bale gathao daṛeakʼkana.”

Nehemiạ 4:11

Aleren bạirikoko meneda, “Onko ạuriko baḍaerege onko talare bon senokʼa ar bon gocʼkote kạmi bon bond oṭokakʼa.”

Jobakʼ 5:12

Cạtur hoṛkoakʼ goṭawakʼ do bae jo baha ocowakʼ kana, onate onko do cetʼge baṅ hoyokʼ kantakoa.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Kạhtukko 22:12

Probhu Isor do ạkile rukhiyạya, menkhan bepạtiạukoakʼ katha doe ạuṛiyakʼ ocoytakoa.

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.