Nehemiạ 4:7 - সান্তালী বাইবেল

⁷ Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

Nehemiạ 4:7 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

2 Rapajko 24:2

Probhu Isor do Jehoyakim upạrte Babelrenko, Aramrenko, Moabrenko ar Amonren luluṭ hoṛkoe kolketʼkoa. Probhu Isor do acʼren guti, metakʼme nạbiko hotete okaṭakʼ kathae roṛ saḍeletʼ onkage uni do Jihudạ disạm marao lạgitʼ onkoe kolketʼkoa.

2 Bõsbudạ 20:1

Inạ tayom Moabrenko, Amonrenko ar Meyunikoren adom hoṛko do Jehosaphat upạrte lạṛhại lạgitʼko oḍok hecʼena.

Esra 5:8

Maharaj baḍaekakʼme je, ale do Jihudạ reakʼ maraṅ Isorakʼ oṛakʼtele senlena. Onḍe hoṛko do lạṭu lạṭu dhirikote oṛakʼko benaoeda ar bhitkore do borgako bạisạueda. Ar ạḍi joton salakʼko kạmikana ar kạmiko do laha idikʼ kana.

Nehemiạ 2:10

Israelkoakʼ bhạlại lạgitʼ mitʼṭen hoṛe hecʼakan reakʼ katha ańjomkate Horoni Sanbalat ar Amoni kạmiyạicʼ Tobiạ tekin do bạkin kusilena.

Nehemiạ 2:19

Menkhan Horoni Sanbalat, Amoni Tobiạ ar Arabi Gesem teko do niạ katha ańjomkateko landa dhutʼatʼlea. Onkoko menkeda, “Ape do cetʼ pe ceka kana? Ape do cetʼ raj upạrtepe hula?”

Nehemiạ 4:1

Sanbalat do pạcri bhit arhõle jut aroyetʼkane ańjomketʼ khan ạḍitetʼe bekusiyena ar edreteye seṅgelena. Uni do Jihudikoe cigạriyatʼkoa.

Nehemiạ 4:6

Pạcri tinạkʼ usulokʼ ona reakʼ adha hạbicʼle gathao akada, ente hoṛko do akoakʼ goṭa monte niạko kạmi akada.

Nehemiạ 4:8

Onko sanamko mitʼkate niạko soṛojontrokeda je, senkate Jerusalem upạrteko lạṛhạiya ar gulmalko ehoba.

Nehemiạ 6:16

Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Jirimiạ 25:20

onḍe tahenkan sanam bidisiạko; Kus disạmren sanam rapajko; Philisṭiren sanam rapajko, metakʼme Askelon, Gasa, Ekron ar Asdodren sarecʼkoren rapajko;

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.

Amos 1:13

Probhu Isore meneda, “Amon reakʼ pea ghạṭ iạte, hẽ ponea ghạṭ iạte iń do khạṭige onkoń sạjạikoa, ente simạna baṛhaotako lạgitʼ onko do Gileadren bhạrti hoṛmo maejiukoakʼ lacʼko cirạ akatʼtakoa.

Amos 1:8

Iń do Asdosren hoṛkoakʼ ar Askelonre okoeṭakʼ hoṛ raj ṭheṅgae sapʼakatʼ uniń marao utạrea. Iń do Ekron upạrte ińakʼ tiyiń tiyạrtińạ, onate Philisṭiren sarecʼ hoṛ doko gujukʼa.”

Amos 3:9

Ape do Asdod ar Misor reakʼ sanam gaṛren hoṛko ṭhen roṛpe, “Ar Samariạ reakʼ buruko cetanre jarwakʼpe; ńelpe, ona talare tinạkʼ gulmal hoyokʼkana! Uniren hoṛko talare tinạkʼ santao hoyokʼkana!”

Aposkạmi 5:33

Noa katha ańjomkate mukhiyạko do ạḍiko raṅgaoena ar apostolko gocʼko lạgitʼko khojkeda,

Johan sodor 12:17

Unre biń do uni maejiu cetanre ạḍi bạṛicʼe raṅgaoena. Ar uni maejiuakʼ bõsren sarecʼ hoṛko, metakʼme okoe do Isorakʼ hukumko manaoetʼkan ar Jisuakʼ sikhnạtko sapʼ dohoyetʼ onko upạrte lạṛhại lạgitʼe oḍok calaoena ar jalapuri aṛereye teṅgo tahẽyena.

1 Samuel 11:2

Amoniạ Nahas do roṛ ruạṛatʼkoteye metatʼkoa, “Mitʼṭecʼ sorto iạte ape sãoteń bondobos daṛekea. Ar ona do hoyokʼ kana, ape sanamkoakʼ jojom sa reakʼ mẽtʼ hoṭor todtape hoyokʼa. Arpe onkaete sanam Israel jạtrenkoń bemanotkoa.”