Nehemiạ 4:20 - সান্তালী বাইবেল

²⁰ Jãhãege sakwa reakʼ saḍepe ańjom unrege ale ṭhenpe jarwakʼa. Ar aboren Isor do abo ńutumteye lạṛhạiya.”

Nehemiạ 4:20 Iomraidhean Croise

1 Bõsbudạ 19:12

Joab do acʼren boehae metadea, “Aramrenko iń khon daṛeanko hoylen khan am do ińem goṛowạńa, ar Amonrenko am khon daṛeanko hoyokʼ enḍekhan iń hõ amiń goṛowama.

Nehemiạ 4:19

Tayomte iń do manotan hoṛko, cetan hudạren kạmiyạko ar sarecʼ hoṛkoń metatʼkoa, “Kạmi do maraṅgea ar phaelaote menakʼa; onate abo do pạcrire hanḍe nanḍe sạṅgiń macha menakʼ bona.

Nehemiạ 4:21

Ar ạḍi setakʼ khon ehopʼkate ạuri ńuhumokʼ hạbicʼ adha hoṛ do borlomko sapʼkakʼ kan tahẽkana ar nonkate ale dole kạmiyetʼ tahẽkana.

Exodus 14:14

Ape do eken thir hape akae tahenpe. Probhuge aperen hoykateye lạṛhạiya.”

Exodus 14:25

Ona chaḍa uni do rãt gạḍiko reakʼ pạihạ̃ko hõe totʼgiḍikatʼ takoa; onate rãt gạḍi cakʼlao hoṛ do ạḍi kosṭo hoyen takoa. Unre misriko doko menkeda, “Dela, abo do Israelko bạgikate bon dạṛ joṅma, ente Probhu Isorge Israelko secʼ hoykate abo upạrteye lạṛhại kana.”

Sakariạ 14:3

Ona tayom Probhu Isor doe oḍokokʼa ar lạṛhại jokhecʼ okae cekae onkage uni do jạtrenko upạrteye lạṛhạiya.

Dosar Biboron 1:30

Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Dosar Biboron 3:22

Onko do alope botorakoa; aperen Probhu Isorge ape secʼ hoykateye lạṛhạiya.’

Josuạ 23:10

Aperen mitʼ hoṛ do mitʼ hajar hoṛe laga ńir daṛeako kana, ente Aperen Probhu Isorakʼ gokʼakʼ lekate uni do ape huyạteye lạṛhại akana.