Nehemiạ 4:16 - সান্তালী বাইবেল

^16-17 Enhilokʼ khon ińren adha hoṛ do kạmireko tahẽyena ar sarecʼ adha hoṛ do borlom, ḍhal, mẽṛhẽtʼ ar akʼ sarante sapṛao akanko tahẽyena. Jihudạren okoeko hoṛ do pạcriko gathaoetʼ tahẽkan onko sãote mukhiyạko hõko tahẽkana. Ar okoe mal-jalko gokʼ idiyetʼ tahẽkan onko do mitʼ titeko kạmiyetʼ tahẽkana ar eṭakʼ tite do khanḍa bhanḍako sapʼetʼ tahẽkana.

Nehemiạ 4:16 Iomraidhean Croise

Nehemiạ 4:15

Aleren bạiriko tinreko ańjomkeda, ale do onkoakʼ soṛojontro reakʼ kathale baḍae akada ar Isor do ona bae jo baha ocoletʼtakoa, unre ale sanamkoge pạcri ṭhen ruạṛ senkate apan ạpin kạmirele dhurạuena.

Nehemiạ 4:23

Iń se ińren boehako se ińren gutiko se ińren rurukhiyạko ale do okoe hõ kicricʼge bale totʼletʼtalea; ar dakʼ ṭhen senkate hõ ale do apnarakʼ khanḍa bhanḍale idiyetʼ tahẽkana.

Sereńko 101:6

Disạmren pạtiạr hoṛko secʼ ińakʼ mẽtʼ do tahena jemon onko do iń sãoteko tahẽdaṛeakʼ; ar okoeyakʼ jion khạṭigetako onkoge ińakʼko kạmiya.

Exodus 28:32

Ar bohokʼ bolokʼ lạgitʼ ona talare do jhicʼge tahena. Ar ona khạli jaega jemon alo oṛejokʼ onate ona reakʼ beṛhaete teńakʼ hoyokʼa.

Soros sereń 3:8

Onko jotoko ṭhen do tarwaṛe menakʼa, ar lạṛhạire jotogeko gạkhuṛgea; onko do ḍanḍare tarwaṛeko tolakada ar ńindạ reakʼ muhin iạte sapṛao menakʼkoa.

Jirimiạ 46:4

Sadomko sapṛaokope ar onkore dejokʼpe. Bohokʼ aḍokʼ reakʼ ṭupri horokʼkate ṭhạ̃ire senkate teṅgo thạrokʼpe. Apeakʼ borlomko lasertape. Ar lạṛhại reakʼ sajbaj horogpe.