Nehemiạ 3:4 - সান্তালী বাইবেল

⁴ Ona reakʼ sarecʼ hĩs do Uriạren hopon Meremote jut arokeda. Uriạ do Hakosren hopone tahẽkana. Ona sarecʼakʼ hĩs do Berakiạren hopon Mesulamren hopone jut arokeda. Berakiạ do Mesesabelren hopone tahẽkana. Ona reakʼ sarecʼ hĩs do Banaren hopon Sadoke jut arokeda.

Nehemiạ 3:4 Iomraidhean Croise

Esra 2:61

Noko mod khon Hobai, Hakos ar Barsilai bõsko do bõs tạlikare akoakʼ bõsko khojleda menkhan bako ńamletʼtakote naekeko mod khon onko doko chaṭao ocoyena. Barsilai do ona ńutumtegeye hoho ocokʼkan tahẽkana, ente Gileadiạ Barsilairen mitʼṭen hoponerae baplaledea.

Esra 8:33

Ona tayom ponakʼ dinre ale do aleren Isorakʼ oṛakʼre ona sona, rupạ ar bhajankole soṅketʼte naeke Uriạren hopon Meremotakʼ tirele jimạkeda. Meremot soṅgete do Pinhasren hopon Eliasere tahẽkana ar unkin sãote do Jesuaren hopon Josabad ar Benuiren hopon Noadiạ. Nukin bana hoṛge Liwikin tahẽkana.

Nehemiạ 10:15

Buni, Asgad, Bebai,

Nehemiạ 10:7

Mesulam, Abia, Mijamin,

Nehemiạ 3:21

Ona tayom reakʼ hĩs do Uriạren hopon Meremoth do Eliasibakʼ oṛakʼ reakʼ silpiń khon ehopʼkate oṛakʼ reakʼ mucạtʼ hạbicʼe jut arokeda. Uriạ do Hakosren hopone tahẽkana.

Nehemiạ 3:3

Hasena hoponko do hako duạrko jut arokeda. Onko do ona reakʼ kaṭko ar ona reakʼ silpińko, khilko ar huṛkạṛkoko lagaoada.

Nehemiạ 3:30

Ona aṛe reakʼ hĩs do Selemiạ ren hopon Hananiạ ar Salaphren turuicʼ hopon Hanun tạkin do ar mitʼ hĩs kin jut arokeda. Ona aṛe reakʼ hĩs do Berikhiạ ren hopon Mesulame jut arokeda. Noa do uniyakʼ oṛakʼ samaṅ secʼ tahẽkana.

Nehemiạ 3:5

Ona sarecʼakʼ hĩs do Tekoaren hoṛko jut arokeda, menkhan onkoren kisạ̃ṛ hoṛko do onkoakʼ ńel todarot tabere kạmi bako rạjilena.

Nehemiạ 6:18

Jihudạren ḍher hoṛko do Tobiạ ṭhen kiriạteko tol akan tahẽkana, ente uni do Araho hopon Sekaniạren jãwãegomkete tahẽkana. Ar Tobiạren hopon Jehonan do Berekiạren hopon Mesulamren hoponerae bapla akade tahẽkana.

Nehemiạ 7:63

Naekeko mod khon Hobai, Hakos ar Barsilai bõsko do bõs talikare akoakʼ bõsko khojleda menkhan bako ńamletʼkote bhonḍ menkate naeke hudạ khonko chaṭao ocoyena. Barsilai do ona ńutumgeko hohowaekan tahẽkana, ente uni do Gileadiạ Barsilairen mitʼṭen hoponerae baplaledea.