Nehemiạ 3:20 - সান্তালী বাইবেল

²⁰ Ona tayom Sabairen hopon Baruk do pạcri reakʼ konac khon maraṅ naeke Eliaserakʼ oṛakʼ duạr hạbicʼ mon lagaokateye jut arokeda.

Nehemiạ 3:20 Iomraidhean Croise

Esra 10:28

Bebae bõsrenko modre Jehohanan, Hananiạ, Sabai ar Athlai.

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Nehemiạ 13:4

Inạ lahare naeke Eliasib, okoe do aboren Isorakʼ khajańci oṛakʼ reakʼ bhare ńamletʼ tahẽkan, uni do mitʼṭecʼ maraṅ okocʼ kandha Tobiại emade tahẽkana, ente Tobiạ do uniren peṛaye tahẽkana. Ona kandhare lahate do phosol samaṅokʼakʼ jinisko, dhup ar mundil oṛakʼ reakʼ jinisko dohokʼkan tahẽkana. Ona chaḍa onḍe do liwiko, sekʼreń dolko ar rurukhiyạko lạgitʼ hukum akatʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩsko dohoyetʼkan tahẽkana ar naekeko lạgitʼ oka emokʼ kan tahẽkan ona hõ onḍegeko dohoyetʼ tahẽkana.

Nehemiạ 3:1

Maraṅ naeke Eliasib ar uni sãoten naekeko do kạmireko dhurạuente bhiḍi duạrko benao arokeda. Onko do Isor ńutumte onako sonotketʼte ona reakʼ silpińko lagaoada. Ona tayom Humaya gaṛ ar Hananel gaṛ hạbicʼ pạcriko gathaoketʼte ona banar hĩs hõko samaṅkeda.

Nehemiạ 3:21

Ona tayom reakʼ hĩs do Uriạren hopon Meremoth do Eliasibakʼ oṛakʼ reakʼ silpiń khon ehopʼkate oṛakʼ reakʼ mucạtʼ hạbicʼe jut arokeda. Uriạ do Hakosren hopone tahẽkana.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Romiko lạgitʼ Pạul Apostolakʼ ciṭhi 12:11

Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.