Nehemiạ 3:15 - সান্তালী বাইবেল

¹⁵ Mispa jilạren subedar Kolhosren hopon Salum do dakʼ jharna duạre jut arokeda. Uni do onare chade benaoada ar ona reakʼ silpiń, khil ar huṛkạṛkoe lagaoada. Rajakʼ bagwan aṛere Sela pukhri reakʼ pạcri khon ehopʼkate Dạudakʼ nagraha khon okaṭakʼ siṛhi do latarte pheḍ hecʼ akan tahẽkan ona hạbicʼe jut arokeda.

Nehemiạ 3:15 Iomraidhean Croise

2 Samuel 5:9

Inạ tayom Dạud do ona gaṛre girobasokʼe ehopʼena ar ona reakʼ ńutum do Dạud nagrahae dohokeda. Millo khon ehopʼkate ona gaṛ reakʼ beṛhaete uni do nagrahae benaokeda.

2 Rapajko 25:4

Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.

2 Bõsbudạ 32:30

Hiskiạ do Gihon dakʼ jharna reakʼ nalaye dhapao esetʼketʼte Dạud nagraha reakʼ pạchim secʼte dakʼe idiketʼa. Uni do joto kạmiregeye jo bahayena.

Nehemiạ 12:37

Dakʼ jharna phaṭok duạr ṭhen okare pạcri do cetan secʼ rakapʼ calao akan onḍe onko do sojhe Dạudakʼ nagrahate rakabokʼ siṛhiteko rakapʼ calaoente Dạudakʼ oṛakʼ aṛete purub secʼ reakʼ dakʼ phaṭok duạr ṭhenko senena.

Nehemiạ 2:14

Ar ona tayom do dakʼ jharna reakʼ duạr ar rajakʼ pukhri secʼ iń laha idiyena; menkhan iń do okoeṭakʼ janwarren decʼakan tahẽkan uniyakʼ do onkate calakʼ reakʼ jãhãn horge baṅ tahẽkana.

Nehemiạ 2:17

Tayomte onko maraṅ hudạren kạmiyạkoń metatʼkoa, “Abo harkhet ar sasetre menakʼ bon ona dope ńeletʼgea. Jerusalem do dhaṅ dhaser akana ar ona reakʼ phaṭok duạrko do seṅgelteko jeretʼ akada. Onate dela abo do, Jerusalem reakʼ pạcri arhõ bon beretʼ ruạṛa. Inạ khan henostawan hoṛ mente do ar babon tahena.”

Nehemiạ 3:12

Jerusalem jilạ reakʼ adha hĩs do subedar Halohes hopon Salum ar uniren hoponerako do tayomakʼ hĩsko jut arokeda.

Nehemiạ 3:14

Beth-Hakem jilạren subedar Rekabren hopon Malkiạ do jobra duạre jut arokeda. Uni do ona reakʼ silpiń, khil ar huṛkạṛe lagaoada.

Nehemiạ 3:19

Ona tayom reakʼ hĩs do, metakʼme Misparen disạm cakʼlaoyicʼ Jesuạren hopon Eser do khanḍa bhanḍa dohowakʼ oṛakʼte rakabokʼ hor reakʼ samaṅ reakʼ jaega khon pạcri reakʼ konac hạbicʼe jut arokeda.

Nehemiạ 3:7

Ona reakʼ sarecʼakʼ hĩs do Gibeonren Melaṭia ar Meronothiren Jadon tekin kin jut arokeda. Nukin do Gibeon ar Misparen hoṛkin tahẽkana. Niạ hĩs do phurạt gaḍa pạchim secʼren disạm cakʼlaoyicʼakʼ oṛakʼ samaṅ secʼre tahẽkana.

Nehemiạ 3:9

Jerusalem jilạ reakʼ adha hĩs do subedar Hurren hopon Rephaye jut arokeda.

Sosolhayic̕ 2:6

Iń do apnar lạgitʼ pukhrikoń la ocokeda jemon bagwan reakʼ darekore dakʼ iń em daṛeakʼ.

Jesaea 8:6

“Noko hoṛ do Siloah reakʼ legem ạtukʼ dakʼko nihạ̃tetʼ kana, onko do Resin ar Remaliạren hopon iạteko rạskạkʼ kana.

Jirimiạ 40:6

Unre Jirimiạ do Mispate Ahikamren hopon Gedaliạ ṭhen senkate disạmren sarecʼ hoṛko talareye tahẽyena.

Luk 13:4

Siloam reakʼ usul oṛakʼ bhindạṛlenre okoe gel irạl hoṛko gocʼlen, apeakʼ hudisre onko do cetʼ Jerusalemrenko khon hõ bạ̃ṛti dusiyan hoṛko tahẽkana?

Johan 9:7

“Do Siloam pukhrire senkate abokʼme.” Siloam reakʼ mane do kol ocoakan. Uni hoṛ do senkateye apʼena ar ńeńele ehopʼen khane ruạṛ hecʼena. Noa ńelte aḍepaserenko ar okoe do kokoe hoṛ menteko ńellede onko sanamkogeko menkeda,

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.