Nehemiạ 2:8 - সান্তালী বাইবেল

⁸ Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.

Nehemiạ 2:8 Iomraidhean Croise

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Esra 5:5

Menkhan Jihudikoren murubbiko secʼ Isorakʼ nońjor tahẽkana. Ar Darjawes ṭhen khobor ạuri kol hạbicʼ ar uni ṭhen khon olakʼ reakʼ roṛruạṛ ạuriko ńam hạbicʼ mukhiyạko do kạmi bako bond ocoletʼkoa.

Esra 6:22

Onko do eae din hạbicʼ rạskạ salakʼ bin khạmiyanakʼ piṭhạ porobko porobena. Onko do rạskạteko perecʼena, ente Ạsurren raj jemon Israelren Isorakʼ oṛakʼ reakʼ kạmireye goṛowako onate Probhu Isor do uniyakʼ mone ạcruletʼtaea.

Esra 6:8

Ona chaḍa Isorakʼ ona oṛakʼ benao kạmire Jihudikoren murubbiko lạgitʼ cetʼko cekae lagaoape ona reaṅ iń hukum apekana. Ar ona kạmi jemon alo thirokʼ ona lạgitʼ noko hoṛkoakʼ purạ khoroc do rajakʼ khajańci khon emokʼ hoyokʼtapea, metakʼme phurạt gaḍa pạchim aṛe ṭoṭhako reakʼ raj bheja khon.

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

Nehemiạ 7:2

Ińren boeha Hanani ar gaṛren mukhiyạ Hananiạ tekin do Jerusalem reakʼ bhariń ematʼkinạ, ente Hananiạ do dhorom hoṛe tahẽkana ar ḍherko khon pạtiạr ar Isor botorae hoṛe tahẽkana.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Sosolhayic̕ 2:5

Iń do huḍiń ar maraṅ aema bagwankoń tearkeda ar onare joto lekan jowanakʼ darekoń rohoekeda.

Sosolhayic̕ 2:6

Iń do apnar lạgitʼ pukhrikoń la ocokeda jemon bagwan reakʼ darekore dakʼ iń em daṛeakʼ.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Daniel 1:9

Isor do uni cạkrạkoren sordarakʼ monre Daniel lạgitʼ daya ar mãyãe ńam ocokeda.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

2 Korinthiko 8:16

Ape lạgitʼ ińakʼ ontorre oka jid menakʼ, Isor do Titusakʼ ontorre hõ ona jidgeye emakatʼte Isoriń sarhaoedekana.