Nehemiạ 2:6 - সান্তালী বাইবেল

⁶ Unre raj aṛere rạni hõe duṛupʼ akan tahẽkana. Ar raj do ińe kulikedeńạ, “Tinạkʼ din calakʼ lagaoama, ar tisokʼem ruạṛ hijukʼa?” Iń do mitʼṭecʼ okte reakʼ kathań roṛketʼ khan raj doe kusiyente calakʼ reakʼ hukume emadińạ.

Nehemiạ 2:6 Iomraidhean Croise

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Nehemiạ 13:6

Menkhan noako tinre hoyokʼ kan tahẽkana unre Jerusalemre do bạń tahẽkana, ente Babelren raj Artaksastowakʼ pegel bar bochor rajokʼ oktere iń do raj ṭheniń ruạṛ senlena. Niạ thoṛa din tayom rajakʼ hukum hataokate iń do Jerusalemteń ruạṛ hecʼena.

Nehemiạ 2:4

Raj do ińe metadińạ, “Am do cetʼem khojkana?” Unre iń do sermaren Isor ṭheniń koeyana.

Nehemiạ 2:5

Ona tayom rajiń roṛ ruạṛadea, “Maharaj amem kusige khan ar amren guti amakʼ mẽtʼre dayae ńamakatʼ khan enḍekhan ińren hapṛamkoakʼ topa oka do Jihudạre menakʼ ona nagrahate calakʼ reakʼ hukum baṛe imạńme jemon arhõ onań benao rakapʼ daṛeakʼ.”

Nehemiạ 5:14

Artaksasto raje rajokʼ bargelakʼ bochorre iń do Jihudạ disạmren hoṛkoren disạm cakʼlaoyicʼ iń bahal ocolena, ar un khon uniyakʼ rajokʼ pegel bar bochor hạbicʼ, metakʼme ona gelbar bochor hạbicʼ iń se ińren boehako do disạm cakʼlaoyicʼakʼ bhejawakʼ jomakʼ do bale jomleda.

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Jesaea 61:4

Onko do sedae reakʼ jarkharakʼ ṭhạ̃iko arhõko benao ruạṛa ar ujạṛakʼko arhõko teṅgo ruạṛa. Ar okako nagraha do piṛhike piṛhi dhaṅdhaser akae tahẽkan ona do arhõko benao ruạṛa.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.