Nehemiạ 2:19 - সান্তালী বাইবেল

¹⁹ Menkhan Horoni Sanbalat, Amoni Tobiạ ar Arabi Gesem teko do niạ katha ańjomkateko landa dhutʼatʼlea. Onkoko menkeda, “Ape do cetʼ pe ceka kana? Ape do cetʼ raj upạrtepe hula?”

Nehemiạ 2:19 Iomraidhean Croise

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Nehemiạ 2:10

Israelkoakʼ bhạlại lạgitʼ mitʼṭen hoṛe hecʼakan reakʼ katha ańjomkate Horoni Sanbalat ar Amoni kạmiyạicʼ Tobiạ tekin do bạkin kusilena.

Nehemiạ 4:1

Sanbalat do pạcri bhit arhõle jut aroyetʼkane ańjomketʼ khan ạḍitetʼe bekusiyena ar edreteye seṅgelena. Uni do Jihudikoe cigạriyatʼkoa.

Nehemiạ 6:6

Onḍe ol tahẽkana, “Eṭakʼ eṭakʼ jạtrenko ṭhen niạ katha ańjomokʼ kana ar Gemes hõe meneda, am ar Jihudiko do hul reakʼpe soṛojontro kana ar onate pạcripe benaoeda. Ona chaḍa niạko khobor lekate bujhạukʼ kana, am do onkoren raj hoyokʼem meneda.

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Jobakʼ 30:1

“Menkhan ńit okoe do iń khon umerteko komaoge onko do ińko landa-dhutʼạń kana; onkoren apatko do ińren bhiḍi gukʼpiko ar setako tulucʼ dohoko lạgitʼ hoń nihạ̃tletʼkoa.

Sereńko 123:4

Aleakʼ jiwi do nirdandakoakʼ henosta ar bạḍạikoakʼ nihạ̃tkote ạḍitetʼ perecʼ akantalea.

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Sereńko 80:6

Am dom nonka akada jemon aḍepase jạtrenko ale iạteko tapam arko jhogṛakʼ. Aleren bạiriko do ale iạte ako talareko landa joṅkana.

Sereńko 80:7

E sanam daṛeanicʼ Isor, am do lahate leka beretʼleme; amakʼ daya reakʼ marsal do ale cetanre paṛaokʼma, onate ale do bańcaole ńama.

Jesaea 36:5

Ińiń meneda amakʼ lạṛhại lạgitʼ bud ar daṛe reakʼ katha do ạuṛiyakʼgetama. Ma lạiyạńme, okoe cetanrem bhorsakʼkante iń upạrtem huhul kana?

Jirimiạ 20:8

Iń do tinạkʼ dhao kathań roṛetʼkan unạkʼ dhaoge maraokʼ reakʼ kathageń porcaretʼ kana. Onate Probhu Isorakʼ katha iạte iń do goṭa dinge opoman ariń cigạri ocokʼkana.

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.

Mathae 9:24

Onate Jisui metatʼkoa, “Ape do bahrete oḍokokʼpe. Kuṛi do bae gocʼakana, ekene jạpitʼ akada.” Noa katha ańjomkate onko do uniko landa dhutʼadea.

Mark 5:40

Noa katha ańjomkate hoṛko do Jisuko landa dhutʼadea. Unre Jisu do oṛakʼ khon sanam hoṛ oḍokokʼe metatʼkoa. Ona tayom kuṛiren eṅgat-apat ar acʼren celako soṅgekate kuṛiye tahẽkan oṛakʼteye boloyena.

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Johan 19:12

Noa ańjomkate Pilạt do Jisu aṛage lạgitʼe kurumuṭukeda, menkhan Jihudi mukhiyạko do hohowateko menkeda, “Nuiyem aṛakʼ lekhan enḍekhan maharaj Kạisạrren gate dom baṅkana. Jãhãege acʼte raj menteye benaokʼ khan uni do Kạisạrren bạiri kanae.”

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.