Nehemiạ 2:1 - সান্তালী বাইবেল

¹ Artaksast rajakʼ bargel bochor reakʼ Nisan candore mitʼ din jojom jokhecʼ raj samaṅre darkha rasa tahẽkana, ar iń do ona idikate rajiń emadea. Niạ lahare tis hõ iń do raj samaṅre mulin do bạń tahẽkana.

Nehemiạ 2:1 Iomraidhean Croise

Genesis 40:11

Unre Pharaoakʼ darkha rasa reakʼ bạṭi do ińakʼ tire tahẽkana. Iń do ona darkha jo hataokateń roḍocʼkeda ar Pharao iń emadea.”

Genesis 40:21

Ar acʼren darkha rasa dudulicʼ do lahateakʼ kạmireye bahal ruạṛkedea, ar uni do Pharaoakʼ bạṭire dudule ehopʼena.

Esra 4:7

Parasren raj Artaksasto oktere hõ Bislam, Mitredat, Tabeyel ar uniren eṭakʼ eṭakʼ soṅgetenko do Artaksasto ṭhen mitʼṭecʼ ciṭhiko olkeda. Ona ciṭhi do Arami pạrsite torjomakate ol hoylena.

Esra 7:1

Niạko ghoṭna tayom Parasren raj Artaksasto rajokʼ oktere Esra do Babel khone hecʼena. Esra do Serayaren hopone tahẽkana, ar Seraya do Asariạren hopon, Asariạ do Hilkiạren hopon,

Nehemiạ 1:1

Noa do hoyokʼ kana Hakaliạren hopon Nehemiạwakʼ katha. Artaksastren rajakʼ rajokʼ bargel bochor reakʼ Kesleb candore iń do Susan raj nagrahareń tahẽkana.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Ester 3:7

Ahasberos rajakʼ rajokʼ gelbar bochor reakʼ pạhil candore, metakʼme Nisan candore mitʼṭecʼ din ar cando bachao lạgitʼ hoṛko do Haman samaṅre puretʼ, metakʼme gulibãṭko ehopʼena. Onate gelbar cando reakʼ, metakʼme Adar candore guli do rakapʼena.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.