Nehemiạ 13:23 - সান্তালী বাইবেল

²³ Ona jokhecʼ iń do niạ hõń ńelkeda je, Jihudạren adom hoṛko do Asdod, Amoni ar Moabi kuṛikoko bapla akatʼkoa.

Nehemiạ 13:23 Iomraidhean Croise

1 Rapajko 11:1

Solomon raj do pharaoren hoponera chaḍa arhõ aema bidisiạ maejiukoe dulạṛetʼko tahẽkana. Onko do Moabren, Amoniren, Edomren, Sidonren ar Hittirenko tahẽkana.

Esra 10:10

Unre naeke Esra do teṅgoyente onkoe metatʼkoa, “Ape do bepạtiạrkope hoyakana, ar judạ judạ jạtren kuṛikope bapla akatʼkote Israelkoakʼ kại tulucʼ arhõ kạipe juṭucʼ akada.

Esra 10:44

Noko sanamkoge eṭakʼ jạtren kuṛiko baplaletʼkoa ar adom adom bạhukoakʼ hoṛmore do gidrạko hõko tahẽkana.

Nehemiạ 10:30

Ale do aḍepase jạtrenko sãote aleren hoponerako bale baplakoa se aleren hoponko lạgitʼ hõ onkoren hoponerako bale ạgukoa.

Nehemiạ 10:31

Jirạukʼ mãhã se eṭakʼ jãhãn sonotakʼ dinre aḍepase jạtrenko jãhãnakʼ jinis se jomakʼ ạkhriń lạgitʼko ạgui enḍekhan onko ṭhen khon do bale kirińa. Ar mimitʼ eaeyakʼ bochorre ale do aleakʼ jumire bale casa ar sanam rinle ikạ katakoa.

Nehemiạ 13:1

Hoṛko do Moseyakʼ puthi khon paṛhao ańjomatʼko khan ńelena, onḍe do nonka ol menakʼa Amonren ar Moabrenko do Isorren hoṛkoakʼ somajre bako seletʼ daṛeakʼa.

Nehemiạ 13:24

Onko talaren ḍher gidrạkoge Asdod se eṭakʼ jạtrenkoakʼ pạrsiko roṛeda. Onko do Jihudi pạrsite roroṛ do bako baḍaea.

Nehemiạ 13:27

Ńitokʼ do cetʼ ona kathage ańjom hoyokʼ tabona, ape hõ niạ bạṛicʼakʼ kạmigepe kạmikana, metakʼme porjạtren maejiukope baplayetʼkote aboren Isor ṭhen bepạtiạrkope hoyakana?”

Nehemiạ 4:7

Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

Exodus 34:11

Teheń okań hukumape onape manaoa. Ar iń do Amorirenko, Kananrenko, Hittirenko, Pherisirenko, Hiwirenko, Jebusirenko ape samaṅ khoniń laga ńirkoa.

2 Korinthiko 6:14

Ape do bepạtiạuko sãote inạ mitʼ arãṛre alope joṛao midokʼa. Dhorom tulucʼ bedhoromakʼ jopoṛao do okare? Marsal ar ńut talare cetʼ jopoṛao do menakʼgea?

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Rut reakʼ kạhini 1:4

Naomiren hopon do Moab disạmren kuṛikin baplaketʼkinạ. Unkin kuṛikin modre mitʼ hoṛakʼ ńutum do Orpa ar eṭagicʼakʼ ńutum do Rut tahẽkana. Mahlon ar Kilion do Moab disạmre gel bochor tahẽkan tayomkin gocʼena. Naomi do jãwãetetʼ ar banar hoponkine atʼketʼkin khane acʼ eskarena.

1 Samuel 5:1

Philisṭiko do Isorakʼ sinduk Ebeneser khon Asdod nagrahateko idikeda.