Nehemiạ 13:22 - সান্তালী বাইবেল

²² Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Nehemiạ 13:22 Iomraidhean Croise

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

2 Rapajko 23:4

Unre raj do Bakʼal debota ar Asera ar sermaren ipilko ńutumte benaoakʼ sanam jinisko Probhu Isorakʼ oṛakʼ khon oḍok giḍikakʼ lạgitʼ maraṅ naeke Hilkiạ, ar huḍiń naekeko ar pahradarkoe hukumatʼkoa. Uni do Jerusalem bahre Kedron soḍokʼ reakʼ bilạn ṭạnḍire onakoe atar giḍikada ar torocʼko do Jerusalemteye idikeda.

2 Bõsbudạ 29:24

Inạ tayom naekeko do onko meromkoe gurketʼkoa ar sanam Israelkoakʼ kại ńutumte pinḍ cetanre ona mãyãmte kại reakʼ puruchune hoyocokeda. Sanam Israelko lạgitʼ jeredokʼ samaṅokʼakʼ ar kại iạte samaṅokʼakʼ lạgitʼ hukum do rajgeye ematʼko tahẽkana.

2 Bõsbudạ 29:27

Ona tayom Hiskiạ do pinḍ cetanre jeredokʼ samaṅokʼakʼ porob reakʼe hukumkeda. Ar niạ samaṅokʼakʼ porob ehopʼen khan Probhu Isor ńutumte sereń hõko sereńkeda ar ona sãote Israelren raj Dạudakʼ bajna ar sakwa hõko oroṅkeda.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

Nehemiạ 12:10

Josuạren hopontetʼakʼ ńutum do Joyakin, Joyakinren hopon do Eliasib, ar Eliasibren hopon do Joyada;

Nehemiạ 12:30

Naeke ar Liwiko do apnartetʼko saphayena ar hoṛko hõko saphaketʼkoa; ar ona tayom do pạcri ar phaṭok duạrko saphakeda.

Nehemiạ 13:14

E ińren Isor, niạko kạmi lạgitʼ disạyińme baṛe. Ińren Isorakʼ oṛakʼ ar onaren sapʼdapʼ kạmi lạgitʼ pạtiạr salakʼ okań ceka akatʼ ona do alom muchạu giḍikakʼa.

Nehemiạ 13:31

Ona chaḍa okte nạpitre kaṭko ar pạhilte rakabokʼ phosol ạgui reakʼ hõń bebostawatʼkoa. E ińren Isor, iń bhạlạyiń lạgitʼ disạyińme baṛe.

Nehemiạ 5:19

E ińren Isor, noko hoṛko lạgitʼ iń okakoń kạmi akatʼ ona iạte bhạlạyiń do alom hiṛińa.

Sereńko 130:7

E Israel, Probhu Isorre as dohojoṅme, ente Probhu Isor ṭhen do asambheṛ dulạṛ menakʼa, ar chaḍao reakʼ hõ ḍher ektiạri menakʼtaea.

Sereńko 5:7

Menkhan iń do amakʼ asambheṛ dayateń bolokʼa, ar amakʼ sonot oṛakʼ secʼ samaṅkate botoram tulucʼ iń ombagokʼa.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Jesaea 38:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Dosar Biboron 5:12

‘Aperen Probhu Isor cetʼ lekae hukum akatʼme onkage jirạukʼ mãhã disạime ar ona sonotme.