Nehemiạ 13:2 - সান্তালী বাইবেল

² Niạ reakʼ karon do hoyokʼkana, Mose bidạlre onko do jomakʼ ar ńũi lạgitʼ dakʼ hõ Israelko bako ematʼko tahẽkana, ar onko sarapako lạgitʼ Biliamko bhaṛa ạguledea. Menkhan aboren Isor do sarap bodolteye bhoratʼ bon tahẽkana.

Nehemiạ 13:2 Iomraidhean Croise

Sereńko 109:28

Onko doko sarapạńma, menkhan am do bhorạńme; onko do iń upạrteko teṅgolen khan lajaoreko paṛaokʼma, menkhan amren golam doe rạskạkʼa.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Numeri 23:18

Biliam do unre Isor emakʼ niạ katha lạlạiye ehopʼkeda: “E Balak raj ma beretʼme, ar ańjomme; E Sipor hopon, ińakʼ katha baṛe luturakʼme.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Dosar Biboron 23:3

“Jãhãe Amoni se Moabi hõ Probhu Isorakʼ manḍerre bae seletʼ daṛeakʼa; gelpon piṛhi hạbicʼ uniren cele hõ manḍerre bako bolo daṛeakʼa.

Dosar Biboron 23:4

Ente Misor disạm khon oḍok hecʼkate apeakʼ dãṛãn horre onko do jomakʼ ar dakʼante bako daramletʼpea, bickom sarapape lạgitʼ Mesopoṭamia disạm reakʼ Pethor nagraha khon Beor hopon Biliam do ṭakateko ạguledea.

Dosar Biboron 23:5

Menkhan aperen Probhu Isor do Biliamakʼ katha bae luturada; ar ape bako dulạṛletʼpe iạte uni do sarap bodolteye bhoratʼpea.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,