Nehemiạ 13:13 - সান্তালী বাইবেল

¹³ Naeke Salemis, dhorom cecetʼicʼ Sadok ar Pedaya ńutuman mitʼṭen liwi noko do khajańci oṛakʼ reakʼ bhariń ematʼkoa ar Sakurren hopon, metakʼme Mataniaren goṛomtetʼ koṛa Hanan do onkoren gokʼṛoyicʼ menkateń bahalkedea. Noko do sanam hoṛgeko pạtiạu akokan tahẽkana. Onko cetanre onkoren gusṭi boehakoakʼ hĩs hạṭińako reakʼ dạyik hõń ematʼkoa.

Nehemiạ 13:13 Iomraidhean Croise

2 Rapajko 12:15

Menkhan onko ńel todarotkan hoṛko ṭhen khon hisạb hatao reakʼ jạṛuṛ do baṅ tahẽkana, ente onko do purạte pạtiạr salakʼko kạmikan tahẽkana.

2 Rapajko 12:16

Dos ńutumte samaṅokʼakʼ ar kại ńutumte samaṅokʼakʼ reakʼ ṭaka do Probhu Isorakʼ oṛakʼ reakʼ baksare bako dohoyetʼ tahẽkana; ona do naekekoakʼ bakhra kana.

2 Rapajko 22:7

Onkoakʼ tire okaṭakʼ ṭaka emakan ona reakʼ hisạb do baṅ emokʼ hoyokʼtakoa, ente onko do pạtiạr salakʼgeko kạmikana.”

Nehemiạ 10:12

Sakur, Serebiạ, Sebania,

Nehemiạ 10:38

Liwiko tinre gel hĩsko hataoa unre onko sãote do Aronren bõsren mitʼṭen naekeye tahena. Ar Liwiko do ona gel hĩs reakʼ mitʼ hĩs do Isorakʼ khajańci oṛakʼteko idiya.

Nehemiạ 11:22

Jerusalemre Liwikoren sordar do Baniren hopon Usiye tahẽkana. Baniren hapṛamko doko tahẽkana Hasabia, Matani, Mikạ ar Asaph. Asaph bõsren hoṛko do gaenahako lekate Isorakʼ oṛakʼre sapʼdapʼ kạmiko kạmikan tahẽkana.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Nehemiạ 3:30

Ona aṛe reakʼ hĩs do Selemiạ ren hopon Hananiạ ar Salaphren turuicʼ hopon Hanun tạkin do ar mitʼ hĩs kin jut arokeda. Ona aṛe reakʼ hĩs do Berikhiạ ren hopon Mesulame jut arokeda. Noa do uniyakʼ oṛakʼ samaṅ secʼ tahẽkana.

Nehemiạ 7:2

Ińren boeha Hanani ar gaṛren mukhiyạ Hananiạ tekin do Jerusalem reakʼ bhariń ematʼkinạ, ente Hananiạ do dhorom hoṛe tahẽkana ar ḍherko khon pạtiạr ar Isor botorae hoṛe tahẽkana.

Nehemiạ 8:4

Puthi paṛhao lạgitʼ dhorom guru Esra do kaṭ reakʼ oka macanko benaoletʼ onare rakapʼenteye teṅgoyena. Unre uniyakʼ jojomsa aṛe secʼre do Matithia, Sema, Anaya, Uriạ, Hilkiạ, Makʼaseya tekoko teṅgoyena ar leṅgasa aṛe secʼre do Podae, Misayel, Malkia, Hasum, Hasbadana, Sekariạ ar Mesulam tekoko teṅgo akan tahẽkana.

Luk 12:42

Probhui menkeda, “Uni pạtiạricʼ ar budanicʼ kạmiyạ hoṛ doe okoe kana, one uniren kisạ̃ṛtetʼ do gutiko cetanre sordare dohoyete ṭhik oktere ser sidhạ emako lạgitʼ bhare emaekan?

Aposkạmi 6:1

Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkan onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Aposkạmi 6:3

E boehako, ape modkhon Jiu ar akelte perecʼ akan ar sanam hoṛko manotko nonkan eae goṭen hoṛ bachao joṅpe. Ale do onkoge noa sapʼdapʼ kạmi reakʼ bharle emakoa ar ale do koejoṅ ar Isorakʼ katha porcar lạgitʼ jamaṛ akanle tahena.”

1 Korinthiko 4:2

Ar okoere bhar emakan onko do udugokʼ hoyokʼtakoa je, pạtiạranko kanako mente.

1Timothi 1:12

Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.

1Timothi 3:10

Laharege biḍạu maṛaṅko hoyokʼa, ar inạ tayom bin dusạnko sạbudlen khan onko do sapʼ dapʼkoko hoedaṛeakʼa.