Nehemiạ 12:43 - সান্তালী বাইবেল

⁴³ Isor do ḍher rạskại danatʼkote enhilokʼ hoṛko do maraṅ okocʼ mitʼṭen samaṅokʼakʼ porobko porobena arko hulạsena. Ar onkoren maejiuko ar gidrạko hõko rạskạyena. Jerusalemren hoṛkoakʼ noa rạskạ reakʼ andoṛ do ḍher sạṅgiń hạbicʼ ańjomena.

Nehemiạ 12:43 Iomraidhean Croise

2 Bõsbudạ 20:13

Unre Jihudạren sanam hoṛko do akoren maejiuko, hoponko, hoponerako ar gidrạko salakʼ Probhu Isor samaṅreko teṅgo akan tahẽkana.

2 Bõsbudạ 20:27

Ona tayom Jehosaphat tayom tayomte Jihudạ ar Jerusalemren sanam hoṛko do rạskạkʼ salakʼ Jerusalemteko ruạṛ calaoena, ente onkoren bạiriko cetanre Probhu Isor doe jitạu ocoketʼkoa.

2 Bõsbudạ 7:10

Ar eae cando reakʼ bargel pe din hilokʼre raj do hoṛko nij nij oṛakʼteye kolkatʼkoa. Dạud, Solomon ar uniren hoṛ Israelko cetanre Probhu Isor do okae bhạlại akatʼko onate rạskạte ar kusi monte oṛakʼteko ruạṛ calaoena.

Esra 3:13

Hoṛko do nunạkʼko andoṛkeda je, okaṭakʼ do rạskạteakʼ ar okaṭakʼ do homorteakʼ rakʼ kana ona do okoege bako bujhạu daṛeada. Ona aṛaṅ do ḍher sạṅgiń khon hõ ańjomena.

Nehemiạ 12:27

Jerusalem reakʼ pạcri Isor ńutumte samaṅokʼ reakʼ porob jokhecʼ Liwiko okareko girobasokʼ kan tahẽkan onḍe khon Jerusalemteko ạgu ocoyena jemon onko do kortal, binạ banam ar peṛesaṅ banam salakʼ sarhaoteakʼ sereńko sereńte rạskạ salakʼ ona porobko palon daṛeakʼ,

Nehemiạ 12:42

Ona chaḍa Makʼaseya, Semaya, Eliaser, Usi, Jehohanan, Malkia, Elam ar Eserteko hõko tahẽyena. Ar sereń dolren hoṛko do Jesrahiakʼ ạyur lekako sereńkeda.

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Sereńko 27:6

Okoeko bạiriko esetʼ ạcur akadiń unre onko khon ińakʼ manot do arhõ ḍherokʼtińạ; iń do uniyakʼ oṛakʼre ãṭ aṛaṅate aema lekan dãṛẽkoń samaṅa; ar Probhu Isor lạgitʼ iń õṛhẽ sereńa ariń sarhaoea.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Sereńko 9:2

Iń do amrege hulạs ariń rạskạkʼa. E maraṅ Isor, amakʼ ńutumteń õṛhẽ sereńa.

Sereńko 92:4

E Probhu Isor, amakʼ kạmi do ińe rạskạ ocoyediń kana; ar amakʼ sanam kạmiko iạte iń do rạskạteń sarhao sereńama.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jirimiạ 31:13

Kũạri kuṛiko doko enecʼa arko rạskạ joṅa, juạnko ar haṛamko hõ bako badokʼa. Onkoakʼ homor halaṅ do rạskạteń pheraotakoa; duk bodolte jiwi raṛecʼ ar rạskạń emakoa.

Numeri 10:10

Apeakʼ rạskạ ar porob oktere, ape lạgitʼ niṭ akan eṭakʼ eṭakʼ porobkore ar cando reakʼ jeredokʼ samaṅokʼakʼ ar sulukren samaṅokʼakʼpe samaṅre pepṛẽtʼpe oroṅa. Onate ape do Isor samaṅrepe hạjir ocokʼa. Ar iń kangeạń aperen Probhu Isor do.”

Mathae 21:15

Ado uni okako hahaṛa kạmikoe kạmiketʼ ona do maraṅ naekeko ar sostor baḍaekoko ńelkeda. Onko do mundil bhitrire kạṭicʼ gidrạko, “Hosannawaema, Dạudren Hopon!” Hohokanko ańjomketʼkoa.

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Ephesiko lạgitʼ Pạul Apostolakʼ ciṭhi 5:19

ape do sereńko reakʼ sereńte ar sarhao sereńkote ar Jiuteakʼ õṛhẽakʼkote ape apere gapal maraope; ar apeakʼ ontorte Probhu Isor õṛhẽ sereńaepe.

Jakob 5:13

Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

1 Samuel 4:5

Probhu Isorakʼ goha sinduk ḍerate ạguiyen khan Israelren sanamko nunạkʼ ãṭ aṛaṅteko hohokeda je, ona do disạm reakʼ sanam jaegare seṭerena.