Nehemiạ 12:27 - সান্তালী বাইবেল

²⁷ Jerusalem reakʼ pạcri Isor ńutumte samaṅokʼ reakʼ porob jokhecʼ Liwiko okareko girobasokʼ kan tahẽkan onḍe khon Jerusalemteko ạgu ocoyena jemon onko do kortal, binạ banam ar peṛesaṅ banam salakʼ sarhaoteakʼ sereńko sereńte rạskạ salakʼ ona porobko palon daṛeakʼ,

Nehemiạ 12:27 Iomraidhean Croise

2 Samuel 6:12

Dạud raj doe ańjom ńamkeda je Isorakʼ sinduk Obed-Idomakʼ oṛakʼre tahẽkan iạte Probhu do uniyakʼ oṛakʼren sanamko ar uniyakʼ sanamakʼkoe bhorada.

1 Rapajko 8:63

Solomon raj do bargel bar hajar ḍaṅgra ar mitʼ lakh bargel hajar bheḍate sulukren samaṅokʼakʼ porobe porobena. Nonkate raj ar sanam Israelko do Probhu Isorakʼ oṛakʼko uḍhạukeda.

1 Bõsbudạ 13:8

Dạud ar sanam Israelko do Probhu Isor samaṅre akoakʼ goṭa daṛeteko enecʼ sereńetʼ tahẽkana ar peṛesaṅ, binạ banama, tabla, kortal ar pẽpṛẽtʼanteko rạskạkʼkan tahẽkana.

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.

1 Bõsbudạ 15:16

Dạud do Liwikoren mukhiyạkoe metatʼkoa, onko do jemon bajnakote, metatʼme, binạ banam, peṛesaṅ, kortalko ruwate rạskạkʼ lạgitʼ sereń dolko bahalko.

1 Bõsbudạ 15:28

Nonkate sanam Israelko do ãṭ aṛaṅte hohowate, pẽpṛẽtʼ ar sakwa oroṅate, kortal ruwate, binạ banama ar peṛesaṅ banamate Probhu Isorakʼ sinduk do Jerusalemteko ạgukeda.

1 Bõsbudạ 15:4

Aron bõsren okoe hoṛko ar okoe Liwikoe jarwaketʼko onko doko hoyokʼkana:

1 Bõsbudạ 16:42

Isor ńutumte sereń jokhecʼ pẽpṛẽtʼ kortal ar eṭakʼ bajnako rui lạgitʼ si Hemon ar Jiduthon cetanre bhar tahẽkana. Ar Jiduthon bõsren hoṛko do rurukhiyạ lekateko bahal ocolena.

1 Bõsbudạ 16:5

Noko hoṛkoren mukhiyạ do Asaphe tahẽkana, dosaricʼ do Sakariại tahẽkana, ona tayom do Jiyiyel, Somiramoth, Jihiyel, Motithiạ, Eliyab, Bonae, Obed-Edom ar Jiyiyel. Noko do binạ banam ar peṛesaṅko banametʼ tahẽkana ar Ashaph do kortale rurukan tahẽkana;

1 Bõsbudạ 26:31

Hebronko modre Jiriạ do mukhiyại tahẽkana. Dạudakʼ rajokʼ pon gelakʼ bochorre onkoakʼ bõs tạlika mod khonko bachao ocoyena ar Geliad reakʼ Jaserre Hebroniạko modre aema lạṛhại birko ńamena.

2 Bõsbudạ 29:25

Dạud raj, ar uniren ńeńelicʼ Gad ar Nathan nạbiyakʼ hukum lekate Hiskiạ raj do Liwikoe metatʼkoa jemon onko do kortal, binạ banam ar peṛesaṅ banamante Probhu Isorakʼ oṛakʼteko bolokʼ. Ar Probhu Isorge acʼren nạbiko hotete niạ hukume emlen tahẽkana.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

2 Bõsbudạ 7:6

Naekeko do akoakʼ ṭhạ̃ireko teṅgoyena ar Liwiko hõ Probhu Isor ńutumte banam ar rui lạgitʼ akoakʼ jaegareko teṅgoyena. Ar naekeko ar Liwiko do samna sạmniko teṅgoyente sakwako oroṅkeda ar sanam Israelko doko teṅgo tahẽyena. Liwikoakʼ niạ banam ar ruruwakʼko Dạud raj do Probhu Isor sarhaoe lạgitʼe benao ocoleda ar onakoe banam are ruyetʼ tahẽkana ar Probhu Isor sarhaoateye menetʼ tahẽkana, “Uniyakʼ dulạṛ do jaejug hạbicʼ tahenkana.”

Esra 6:16

Ona tayom Israelko do, metakʼme naekeko, liwiko ar bondi dosa khon ruạṛ hecʼakan sarecʼ hoṛko do rạskạ salakʼ Isorakʼ oṛakʼko uḍhạukeda.

Nehemiạ 11:20

Israelkoren sarecʼ hoṛko, naekeko ar Liwiko do Jihudạ reakʼ sanam nagraha ar atokore apan ạpin hapṛamkoakʼ jaega jumireko girobasokʼ kan tahẽkana.

Nehemiạ 12:43

Isor do ḍher rạskại danatʼkote enhilokʼ hoṛko do maraṅ okocʼ mitʼṭen samaṅokʼakʼ porobko porobena arko hulạsena. Ar onkoren maejiuko ar gidrạko hõko rạskạyena. Jerusalemren hoṛkoakʼ noa rạskạ reakʼ andoṛ do ḍher sạṅgiń hạbicʼ ańjomena.

Nehemiạ 8:17

Bondi dosa khon ruạṛ hecʼakan goṭa dolrenkoge chamḍa oṛakʼ benaokate onakoreko tahẽyena. Nunren hopon Josuạ okte khon enhilokʼ hạbicʼ Israelko do nonka ar bako kạmi akatʼ tahẽkana. Ar onko do ạḍiko rạskạyena.

Sereńko 149:3

Onko do enecʼ enecʼte uniko sarhao sereńae ma, tabla ar banamte uniko õṛhẽyema;

Sereńko 30:1

E Probhu Isor, amiń sarhaomea, ente amgem rakapʼ ạgu akadińạ; ińren bạiriko do iń upạrte bam rạskạ oco akatʼkoa.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 20:5

“Ona tayom onkoren mukhiyạko mena, ‘ape talare jãhãe nãwãte oṛakʼ benaokate ona bae uḍhạu akatʼ khan uni do oṛakʼteye ruạṛ calakʼma; ar baṅkhan lạṛhạire uniye gocʼlen khan eṭakʼko do ona oṛakʼko uḍhạu joṅa.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.