Nehemiạ 11:1 - সান্তালী বাইবেল

¹ Disạm hoṛkoren mukhiyạko do Jerusalemreko girobasokʼ kan tahẽkana. Ar sarecʼ hoṛko doko gulibãṭkeda jemon onko modren gel hoṛko modre mitʼ hoṛ do jemon Jerusalemreye girobas daṛeakʼ ar sarecʼ are goṭen hoṛ do akoakʼ nij nij atoregeko tahenma.

Nehemiạ 11:1 Iomraidhean Croise

1 Bõsbudạ 26:13

Bõs lekate huḍiń khon haṛamko onko jotoko lạgitʼge gulibãṭ do hoylena jemon oka dolrenko do oka phaṭok duạreko kạmiya mente.

1 Bõsbudạ 8:28

Noko sanamkoge nij nij bõsren mukhiyạ ar bõsbudạ lekate mimitʼko do mathako tahẽkana. Ar noko do Jerusalemreko girobasokʼ kan tahẽkana.

1 Bõsbudạ 9:1

“Israelren rapajkoakʼ puthire sanam Israelkoakʼ bõsbudạ do ol akana. Jihudạren hoṛkoakʼ bepạtiạu iạte onko do Babelteko bundi idiocolena.

1 Bõsbudạ 9:2

Ar okoe do pạhilteko ruạṛ hecʼen ar apnarakʼ nagraha ar atore apnarakʼ jaega jumi cetanre arhõ girobasokʼko ehopʼen onko do naekeko, Liwiko, koejoṅ oṛakʼren sapʼsorko ar eṭakʼ Israelkoko tahẽkana.

1 Bõsbudạ 9:3

Jihudạ, Benjamin, Ephrayim ar Manase gusṭiren okoe hoṛko do Jerusalemre girobasokʼko ehopʼen onko doko hoyokʼkana:

Nehemiạ 10:34

Aleakʼ ạn-ạrire cetʼleka ol menakʼ ona leka aleren Probhu Isorakʼ pinḍre jeredokʼ lạgitʼ jao bochor niṭ akatʼ oktere aleren Isorakʼ oṛakʼre mitʼke mitʼ bõsko tinre kaṭ ạgu lagao akoa ona ṭhik lạgitʼ ale do, metakʼme naekeko, liwiko ar hoṛkole gulibãṭkeda.

Nehemiạ 11:18

Sonot nagrahare Liwiko do jotote barsae irạlgel pon hoṛko tahẽkana.

Nehemiạ 4:22

Unre iń do hoṛko arhõń metatʼkoa, “Mimitʼ hoṛ apan ạpin gutikoante ńindạ do Jerusalemreko tahẽ aṅgakʼma arko horhoema ar sińre doko kạmi tabonma.”

Sereńko 122:5

Bicạr reakʼ siṅghạson do onḍege menakʼa, Dạud gharońjren hoṛkoakʼ siṅghạsonge.

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Jesaea 48:2

Ape do sonot nagraharen hoṛ mentepe ńumogokʼ kana ar Israelren Isor cetanrepe bhorsakʼ kana, one uniyakʼ ńutum do phạdkoren Probhuge.

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Mathae 27:53

Jisu gocʼko khone jiwetʼ beretʼen khan onko do topa khon oḍokkate sonot nagrahateko boloyena. Ar ḍher hoṛko ṭhenko ńel ocoyena.

Mathae 4:5

Unre Soetan do sonot nagraha Jerusalemte Jisui idikedea ar mundil reakʼ cuṛạre teṅgokedeteye metadea,

Aposkạmi 1:24

Ona tayom onko do noa menkateko koekeda, “E Probhu Isor am do joto hoṛakʼ ontorem baḍaekana. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

Aposkạmi 1:26

Adoko gulibãṭketʼ khan Mạthiạ ńutum rakapʼena. Onate Mạthiạ do onko gelmitʼ apostolko sãoteye lekha mitʼena.

Josuạ 18:10

Josuạ do Silore Probhu Isor samaṅre Israelko lạgitʼe gulibãṭkeda ar onkoakʼ gusṭi lekate disạm do onḍeye hạṭińatʼkoa.