Nehemiạ 10:37 - সান্তালী বাইবেল

³⁷ Ona chaḍa aleakʼ holoṅ ar jomakʼ reakʼ pạhilakʼ hĩsko, dare reakʼ pạhilakʼ joko ar nãwã darkha rasa ar sunum reakʼ pạhilakʼ hĩs do aleren Probhu Isorakʼ oṛakʼre naekeko ṭhenle ạguiya. Ar aleakʼ gel hạṭiń reakʼ mitʼ hạṭiń do Liwiko ṭhenle ạguiya, ente aleakʼ joto atokore Liwiko do gel hĩsko hataoeda.

Nehemiạ 10:37 Iomraidhean Croise

2 Bõsbudạ 31:6

Israel ar Jihudạren okoeko hoṛ do Jihudạ reakʼ ato ar nagrahareko girobasokʼ kan tahẽkan onko hõ akoren ḍaṅgrako, bhiḍiko ar meromko reakʼ gel hạṭiń reakʼ mitʼ hạṭińko ạguketʼkoa ar onkoren Probhu Isor ńutumte begar dohowakʼ jinis reakʼ gel hạṭiń reakʼ mitʼ hạṭiń ạgukateko ṭhikikeda.

Nehemiạ 13:10

Iń do noa hõń baḍaekeda je, sereń dolko ar eṭakʼ liwiko do kuṛại bako ńamakatʼte akoakʼ kạmi bạgikate onko do nij nij khet baṛgeteko ruạṛ akana.

Nehemiạ 13:12

Ona tayom Jihudạren sanam hoṛko do akoakʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩs do khajańci oṛakʼteko ạgukeda.

Nehemiạ 13:9

Ona tayom ińakʼ hukumte ona oṛakʼ iń sapha ocokeda ar Isorakʼ oṛakʼ reakʼ jinisko, jomakʼ samaṅokʼakʼ jinisko ar dhupko ạgukate arhõ onḍegeń dohokada.

Exodus 13:12

unre ape hõ aperen mitʼke mitʼ pạhil hoponko do Probhu Isor ńutumtepe emokʼa. Janwarkoren mimitʼ pạhil hopon hõ Probhu Isorrenko hoyokʼa.

Exodus 13:2

“Israelkoren mitʼke mitʼ pạhil koṛa hopon do iń ńutumtem begar dohokoa, onko modre baṅ doe manwakan ar baṅ doko janwarkan. Mitʼke mitʼ pạhil janamokʼ koṛa hopon doko ińren kana.”

Levitikus 23:17

Probhu Isor ńutumte dolao samaṅokʼakʼ lekate oṛakʼ khon pạhil rakapʼakʼ phosol khon thoṛape ạguiya. Ar ona dolao samaṅokʼakʼ jinis do pe keji tala holoṅte khạmiyanakʼ barea piṭhạ benao hoyokʼa.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Malaki 3:8

Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Numeri 18:18

Dolao samaṅokʼakʼ reakʼ koṛam reakʼ jel ar jojomsa bulu reakʼ jel leka noako jel hõ amakʼge hoyokʼa.

Numeri 18:21

“Israelkoakʼ gel hạṭiń reakʼ mitʼ hạṭiń okaṭakʼ do ińko imạń onage iń do Liwikoń ematʼkoa. Ńapamokʼ tạmbure sapʼdapʼ kạmi bodolte onko do onako ńama.

Romiko lạgitʼ Pạul Apostolakʼ ciṭhi 11:16

Sipiyakʼ holoṅ khon pạhil benaoakʼ piṭhạge sonotge khan enḍekhan ma sanam sipiyakʼ holoṅ hõ sonotge. Jạitun dare reakʼ rehetʼge sonotge khan ḍạrko hõ sonotgea.

Dosar Biboron 14:22

“Jao bochor apeakʼ jumire okako phosol hoyokʼ ona reakʼ gel hạṭiń reakʼ mitʼ hạṭiń dope begar dohokakʼa.

Dosar Biboron 18:4

Apeakʼ pạhil rakapʼakʼ phosol, nãwã darkha rasa, sunum, merom ar bhiḍikoakʼ pạhil getʼakʼ upʼ hõ naekepe emaea,

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.