Nehemiạ 10:36 - সান্তালী বাইবেল

³⁶ Ạn-ạrire cetʼ leka ol menakʼ onkage ale do aleren pạhil hoponko ar ḍaṅgrako, meromko ar bhiḍikoren pạhil hoponko Isorakʼ oṛakʼreko dewa sewakan naeke ṭhenle idikoa.

Nehemiạ 10:36 Iomraidhean Croise

2 Bõsbudạ 31:5

Niạ hukum oḍokokʼ são sãote Israelko do akoakʼ phosolko, nãwã darkha rasa, sunumko ar dumur rasa reakʼ pạhil hĩs ar khetre jãhãnakʼge hoyokʼ ona reakʼ pạhil hĩs onko do ạḍi ḍherko dankeda. Ona chaḍa onko do jotowakʼ reakʼ gel hạṭiń reakʼ mitʼ hạṭińko emena ar ona do ạḍi utạr hoyena.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Exodus 13:2

“Israelkoren mitʼke mitʼ pạhil koṛa hopon do iń ńutumtem begar dohokoa, onko modre baṅ doe manwakan ar baṅ doko janwarkan. Mitʼke mitʼ pạhil janamokʼ koṛa hopon doko ińren kana.”

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Exodus 34:19

“Kukhiren mitʼke mitʼ pạhil hoponko do ińren kanako. Aperen sanam janwar palkoren mitʼke mitʼ pạhil ạnḍiạ hoponko hõ ińren kanako.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Numeri 3:13

ente Israelkoren sanam pạhil koṛa hopon doko ińren kana. Misor disạmre pạhil koṛa hopon gocʼko jokhecʼ Israelko talare mitʼke mitʼ pạhil koṛa hopon do iń lạgitʼgeń begar dohoakatʼkoa- ar ona do manwakoge cetʼ ar janwarkoge baṅ cetʼ. Onko do ińren kanako; ar iń doń Probhu Isor kana.”

Galathiko lạgitʼ Pạul Apostolakʼ ciṭhi 6:6

Okoe Isorakʼ kathae cetʼ ocokʼkan uni do acʼren cecetʼicʼ do acʼakʼ sanam bhageakʼ reakʼe hạṭińae ma.

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.