Nehemiạ 10:30 - সান্তালী বাইবেল

³⁰ Ale do aḍepase jạtrenko sãote aleren hoponerako bale baplakoa se aleren hoponko lạgitʼ hõ onkoren hoponerako bale ạgukoa.

Nehemiạ 10:30 Iomraidhean Croise

2 Rapajko 23:25

Uni do acʼakʼ goṭa mon, ontor ar daṛete Mose emakʼ sanam ạn-ạriko leka Probhu Isorakʼ horteye taṛametʼ tahẽkana. Uni lahate se uni tayomte ar okoe rajge uni leka do bako tahẽkana.

2 Rapajko 23:3

Raj do tham khunṭi aṛere teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanam katha manao lạgitʼ Probhu Isor samaṅreye gokʼana. Unre sanam hoṛko hõ raj sãote inạgeko gokʼana.

2 Bõsbudạ 34:31

Raj do acʼakʼ jaegare teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanamakʼ katha manao lạgitʼ Probhu Isor samaṅreye kiriạ ocoketʼkoa.

Nehemiạ 10:1

Okoeko ona cetanreko chapatʼ tahẽkan onko doko hoyokʼkana: Hakaliạren hopon disạm cakʼlaoyicʼ Nehemiạ ar Sedekiạ,

Nehemiạ 13:23

Ona jokhecʼ iń do niạ hõń ńelkeda je, Jihudạren adom hoṛko do Asdod, Amoni ar Moabi kuṛikoko bapla akatʼkoa.

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Nehemiạ 13:30

Nonkate iń do sanamko tala khon porjạtrenkoakʼ jotowakʼ iń sạṅgiń giḍikada. Tayomte naeke ar liwikoakʼ kạmi lekate onko mimitʼko do kạmiń hạṭińatʼkoa.

Nehemiạ 5:12

Niạ katha ańjomkate onkoko menkeda, “Ale do jotowakʼle ruạṛkatakoa. Ale do onko ṭhen khon cetʼge bale dạbiya. Am cetʼem men onagele kạmiya.” Ona tayom iń do naekekoń hohowatʼkoa ar manotan hoṛko ar mukhiyạkoń kiriạ ocoketʼkoa jemon gokʼ akatʼ lekako kạmi.

Sereńko 119:106

Iń do amakʼ dhoromte perecʼ ạn ạri manaokate calakʼ reakʼ iń kiriạ akana, ar ona do kajaktegeń kiriạ akana.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Dosar Biboron 29:11

Ape samaṅre aperen hopon ar hoponerako; ar apeakʼ ḍerareko tahenkan eṭakʼ jạtren upriạ hoṛko okoe do sahanko mamakʼkan ar dakʼko lo rakapʼ apekan.

Dosar Biboron 7:3

Onko sãote baplakʼ reakʼ hõ alope bondobosa. Aperen kuṛiko hõ onkoren hoponko alope emakoa ar onkoren kuṛiko hõ aperen hoponko lạgitʼ alope ạgukoa,