Nehemiạ 1:6 - সান্তালী বাইবেল

⁶ E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

Nehemiạ 1:6 Iomraidhean Croise

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

1 Rapajko 8:47

unre ona disạmre akoakʼ monko ạcurtako arko kastaokʼte nehõrokʼteko men, ‘ale dole kại akada, arle behok akada ar bạṛicʼ hortele taṛam akada,’ enḍekhan onkoakʼ koejoṅ ańjomtakome.

2 Bõsbudạ 28:10

Ar ńitokʼ ape do Jihudạ ar Jerusalemren hoṛko aperen golam hoyocokope menjoṅkana. Menkhan aperen Probhu Isor ṭhen ape do cetʼ dusipe baṅkana?

2 Bõsbudạ 29:6

Aboren hapṛam doko bepạtiạr ocoakana; onko do aboren Probhu Isorakʼ mẽtʼre oka bạṛicʼakʼ kan onageko kạmi akada ar uniko bạgi giḍi akadea. Probhu Isorakʼ tahen oṛakʼ khon eṭakʼ secʼko ghańjeṛ akana ar uniko dea giḍi akadea.

2 Bõsbudạ 6:40

“E ińren Isor, niạ jaegare okako koejoṅ hoyokʼ ona secʼ jemon ńitokʼ amakʼ mẽtʼ ar lutur jhicʼge baṛe tahenma.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Esra 10:11

Ńitokʼ ape do aperen hapṛamkoren Probhu Isor ṭhen kại aṅgocpe ar uniyakʼ sana leka kạmipe. Apeakʼ disạmre girobasokʼ kan hoṛko ar eṭakʼ jạtren maejiu khon ape apnartetʼ begarokʼpe.”

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Sereńko 106:6

Aleren hapṛamko leka ale hõle kại akada; ale dole behok akada, ar kạirele taṛameda.

Sereńko 130:2

E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Sereńko 34:15

Dhorom reakʼ horte okoeko calakʼkan onkore do Probhu Isorakʼ mẽtʼãhã menakʼa; onkoakʼ koejoṅ ańjom lạgitʼ uniyakʼ lutur do jhicʼge menakʼtaea.

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.

Sereńko 88:1

E Probhu, ińren babańcaoicʼ Isor, iń do siń sạṭupʼ am ṭheniń rakʼetʼkana.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Rak̕joṅ 5:7

Aleren hapṛamko doko kạileda; onko do ńitokʼ ar bạnukʼkoa, menkhan ale do onkoakʼ ghạṭkole gokʼbaṛayeda.

Daniel 9:15

“E aleren Probhu Isor, amakʼ daṛeanakʼ tite amren hoṛko Misor disom khonem oḍok ạguletʼkoa ar amakʼ ńutum do maraṅlentama, ar teheń hạbicʼ hõ ona menakʼa. Ale dole kại akada ar bạṛicʼakʼle kạmi akada.

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Daniel 9:8

E Probhu Isor, aleren rajko, mukhiyạko, hapṛamko ar ale sanamkoge lajaole asen baṛayeda, ente ale do am upạrtele kại akada.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼkan tahẽkan ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

1Timothi 5:5

Okoe rạnḍi maejiuren celege bạnukʼko uni do Isor ṭhen bhorsa akan ar siń sạṭupʼ koejoṅ ar nehõrakane tahenkana.

2Timothi 1:3

Ińren hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.