Nehemiạ 1:11 - সান্তালী বাইবেল

¹¹ E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Nehemiạ 1:11 Iomraidhean Croise

Genesis 24:42

“Ona iạte iń do teheń ona kuń ṭhen hecʼkate mone monte koekateń menkeda, ‘E Probhu, ińren kisạ̃ṛ Abrahamren Isor, dayakate ińakʼ noa daṛan baṛe jo baha ocoytińme.

Genesis 32:11

Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Genesis 40:1

Noako ghoṭna tayom Misor rajren barea kạmiyạ hoṛ do raj upạrtekin behokkeda. Nukin modre mitʼṭen do piṭhạ bekʼnaoicʼ sordar ar eṭakʼicʼ do darkha rasa dudulicʼe tahẽkana.

Genesis 40:2

Pharao do nukin bana hoṛ cetanre nunạkʼe ạṛisena,

Genesis 40:21

Ar acʼren darkha rasa dudulicʼ do lahateakʼ kạmireye bahal ruạṛkedea, ar uni do Pharaoakʼ bạṭire dudule ehopʼena.

Genesis 40:23

Menkhan uni darkha rasa dudulicʼ do Josephakʼ ona katha doe hiṛińkeda; ar bae disạleda.

Genesis 41:9

Unre Pharaoren darkha rasa dudulicʼe menkeda, “Maharaj, teheń ińakʼ mitʼṭecʼ dusi reakʼ katha disạ hecʼạdińa.

Genesis 43:14

Sanam daṛean Isorakʼ dayate jemon uniye dayawape, ar aperen uni boeha ar Benjạmin jemon apeakʼ tireye aṛakʼkin; ar nirbõsokʼ khaniń nirbosokʼa.”

2 Bõsbudạ 6:40

“E ińren Isor, niạ jaegare okako koejoṅ hoyokʼ ona secʼ jemon ńitokʼ amakʼ mẽtʼ ar lutur jhicʼge baṛe tahenma.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

Nehemiạ 1:6

E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

Nehemiạ 2:1

Artaksast rajakʼ bargel bochor reakʼ Nisan candore mitʼ din jojom jokhecʼ raj samaṅre darkha rasa tahẽkana, ar iń do ona idikate rajiń emadea. Niạ lahare tis hõ iń do raj samaṅre mulin do bạń tahẽkana.

Nehemiạ 2:8

Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.

Sereńko 106:46

Aleren hapṛamko leka ale hõle kại akada; ale dole kại akada, ar bedhoromtele calakʼkana.

Sereńko 130:2

E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

Sereńko 61:5

E Isor, ińakʼ monejoṅakʼko dom ańjomakatʼgea; am okoeko botoram kan ar onko lạgitʼ okaṭakʼ ạidạrim ṭarhao dohoakatʼ ona do amgem emakawạdińa.

Sereńko 86:6

E Probhu Isor, ińakʼ koejoṅ ańjomtińme; ar ińakʼ nehõrjoṅakʼ luturakʼtińme.

Kạhtukko 1:29

Onko do ạkilko kurud akawada ar Probhu Isor botorae hõ bako khojleda.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Jirimiạ 42:12

Iń doń dayawapete, uni hõ apeye mãyãwapea ar apeakʼ ṭhạ̃ite arhõe ruạṛ ạgupea.’

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Ibriko 13:18

Ale lạgitʼ koejoṅpe. Sanamakʼkore dhorom lekate senokʼle menjoṅkan iạtele baḍaekana je, aleakʼ bibek do napaegetalea mente.