Nạhum 3:3 - সান্তালী বাইবেল

³ ar aswariko doko ńir bhiṛạukʼkana, tarwaṛe do jhak jhakaokʼ kana, ar borlom do malkaokʼkana. Ńelpe, ḍher ghạl akan hoṛ ar mạ̃ṛĩko reakʼ ḍạṅge, alekha mạ̃ṛĩkoge, ar hoṛko do mạ̃ṛĩreko hãṛãgokʼ kana.

Nạhum 3:3 Iomraidhean Croise

Genesis 3:24

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

2 Rapajko 19:35

Enhilokʼ ńindạ Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Dosar hilokʼ setakʼre hoṛko do tinreko beretʼena unre sanam jaegare mạ̃ṛĩko ńelkeda.

Jesaea 34:3

Onkoren gocʼ hoṛko do bahreteye capatʼ giḍikakoa. Onkoakʼ mạ̃ṛĩko reakʼ sea sĩṛĩcʼ so do ghãṛã ghạ̃ṛĩ rakabokʼa ar onkoakʼ mãyãmte buru-boṭkocʼ do ạrupʼ pheḍokʼa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jeheskel 39:4

Israel reakʼ buruko cetanre am ar amren sanam lạṛhại phạdko ar am sãote jạtrenko do giḍi akanko tahẽkan. Ar am do gidi ar janwarkoakʼ jomakʼgeń hoyocomea.

Levitikus 26:37

Bako laga ocokʼre hõ lạṛhại khon bańcaokʼ lạgitʼ ńir pharakokʼ hoṛ leka am iń lad ludko bhindạṛokʼa. Ar ape do bạiriko samaṅre bape teṅgo daṛeakʼa.

Nạhum 2:4

Onkoakʼ sanam rãt gạḍiko do hor horte hoe bharḍo leka calakʼkana ar nagraha reakʼ phaelao jaegako talate baṅ sambṛaoicʼ leka hante natekʼkana. Onako do ńelokʼte jolokʼkan mosal leka; ar bijli leka ńir baṛae kana.

Habakkuk 3:11

Amakʼ ạphir calakʼkan sar reakʼ jhalkaote ar bijli leka amakʼ borlom reakʼ jhak jhakte sermare siń cando ar ńindạ cando dokin teṅgo hapeyena.