Nạhum 1:8 - সান্তালী বাইবেল

⁸ Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Nạhum 1:8 Iomraidhean Croise

Jobakʼ 30:15

Ạḍi lekan botor doe gherao esetʼ edeńkana; hoe leka onako botor do ińakʼ manotko khudạuetʼtińạ; ar rimil leka ińakʼ bhạlại do oṭaṅentińạ.

Jobakʼ 40:11

Amakʼ botoranakʼ edre baṛe bumbhạu oḍokme; ar mitʼke mitʼ bạḍại hoṛ beṅgetʼ pheḍakome ar kiṛdhum ocokome.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Jesaea 13:9

Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana.

Jesaea 28:17

Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

Jesaea 28:18

Moron tulucʼ okaṭakʼpe bondobos akatʼ ona do bạtilokʼa; ar Sheol sãote oka bondobospe bandhao akatʼ ona hõ baṅ ṭikạukʼtapea. Maraokʼ reakʼ cạbuk pheḍ hijukʼre, ape do onatepe dal ocokʼa.

Jesaea 28:2

Ńelpe, Probhu Isorren mitʼṭen ektiạran ar daṛean hoṛ menaea. Arel ar jarkharicʼ mitʼṭecʼ birbão hoe lekage, uni do daṛean birbão reakʼ banbạsi dakʼ leka otre ona nagraha doe tawakʼ giḍikakʼa.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jirimiạ 51:64

Ona tayomem mena, ‘Nonkage Babel hõ unumokʼa, ar baṅ rakapʼa, ente Probhu Isor do ona cetanre muhine ạguiya. Uni doe marao utạrokʼa.’ ” Jirimiạ reakʼ katha do nonḍege mucạtʼena.

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Nạhum 1:1

Niniwi babotre Isorakʼ katha. Elkosi atoren Nạhum oka dorsone ńelletʼ ona do noa puthire ol akana.

Nạhum 2:8

Niniwi do phoṛ akatʼ mitʼṭecʼ pukhri leka one ona reakʼ dakʼko ạtu oḍokokʼkan. Onko do “Teṅgokʼpe, teṅgokʼpe” menteko hohoyetʼkana menkhan uniren hoṛ do celege tayom secʼ bako beṅgetʼ ạcureda.

Sephaniạ 2:13

Probhu Isor do utạr secʼ birudre ti tiạrkate Ạsurrenkoe marao giḍikoa ar Niniwi do ujạṛ utạrakʼ ar hahaṅkar leka khaṅgoṭ ṭhạ̃igeye hoeocoya.

Mathae 7:27

Ado jhar jhare dakʼkeda, are hoekeda, ar ḍubạ dakʼ hecʼena ar ona oṛakʼre bajaoena; ar ona do lạnduṛena, ar botorge oborena!”

Mathae 8:12

Menkhan rajosṭiren hoponko do bahre ńutreko giḍi ocokʼa. Onḍe do rakʼjoṅ ar togocʼ ḍaṭa hoyokʼa.”

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.