Nạhum 1:5 - সান্তালী বাইবেল

⁵ Maraṅ maraṅ buruko do uni samaṅre dal dalaokʼ kana ar huḍiń buruko do galaokʼkana. Uniyakʼ hạjirokʼre dhạrti ar onare tahen kan jotogeko thar tharokʼkana.

Nạhum 1:5 Iomraidhean Croise

2 Samuel 22:8

Unre dhạrti do daldalaoena ar ḍikạ ḍakekʼ ehopʼena, buru reakʼ rehetʼko daldalaoena; uniyakʼ edrete onako do dal dalaoena.

Jobakʼ 26:11

Serma reakʼ khunṭiko do dal dalaokʼkana, ar uniyakʼ dhomkaote hõ thar tharaokʼkana.

Jobakʼ 9:5

Uni do ackage buru-boṭkocʼkoe ocoga, edrete onakoe marao utạra;

Sereńko 104:32

Uni do dhạrti secʼe beṅgetʼ lekhan ona do thar tharaokʼa; uniyakʼ joṭetʼte buru boṭkocʼ khon dhũạ oḍokokʼa.

Sereńko 114:4

Ar usul buruko do bhiḍi leka, ar huḍiń buruko do bhiḍi hoponko leka don baṛae ehopʼena.

Sereńko 114:6

E usul buruko, cedakʼ ape do bhiḍiko leka don baṛaepe ehopʼena? E huḍiń buruko, ape hõ cedakʼ bhiḍi hoponko lekape don baṛae kana.

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Sereńko 18:8

Uniyakʼ mũ khon dhũạ do coṭte rakapʼena, ar moca khon ḍahao maraoakʼ seṅgelge oḍokena. Uniyakʼ moca reakʼ seṅgelte koelako jolena.

Sereńko 46:6

Porjạtrenko doko kạumạueda, ar rajosṭiko do rạputʼena; Uni doe aṛaṅkeda, ar dhạrti do leyena.

Sereńko 68:8

unre dhạrti do daldalao lena ar serma do dakʼe emlena. Noako do hoylena Isor samaṅre, Sinạiren uni Isor samaṅrege, Isor samaṅre, Israelkoren Isor samaṅre.

Sereńko 98:7

Jalapuri ar onare menakʼ jotoge rạskạteko andoṛma; dhạrti ar onareko tahenkan jotoko rạskạteko andoṛma.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Jesaea 24:1

Ńelpe, Probhu Isor do dhạrtiye ujạṛ utạr are marao lạgidokʼ kana. Uni do ona reakʼ cetantetʼe ulṭạu giḍikakʼa ar onare girobasokʼ kan hoṛkoe chirc hạturkoa.

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jirimiạ 4:24

Buruko secʼ iń beṅgetʼkeda, onako do dal dalaokʼ kana; ar ḍuṅgriko do ḍikạ ḍakekʼ kana.

Jeheskel 38:20

Unre jalapuriren hakoko, coṭren cẽṛẽko, birren janwarko, ot cetanren mimitʼ leńokʼ ṭunḍạṅokʼko ar dhạrtiren sanam hoṛ do iń samaṅreko thar tharaokʼa, Maraṅ buruko do ulṭạukʼa, usul buruko do khanḍa khunḍikʼa ar joto pạcri do otre lạnduṛ ńurokʼa.

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Amos 9:5

Phạdkoren Probhu Isor do dhạrtiye joṭetʼ lekhan ona do le cabakʼa ar onare girobasokʼ kan sanamgeko homor halaṅa. Uniyakʼ joṭetʼte goṭa dhạrtige Misor reakʼ nil gaḍa dakʼ leka se rakabokʼa ar ona tayom do pheḍ calakʼa.

Mikạ 1:4

Mom cetʼleka seṅgelre le cabakʼ, dharsãṛ ṭhạ̃ite cetʼleka dakʼ ạtukʼ pheḍokʼ onkage uniyakʼ jaṅga latar reakʼ buru-ḍuṅgriko do le cabakʼa, ar buru nalako do paṛagokʼa.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Mathae 28:2

Unre ackage dhạrti laṛaoena, ente Probhu Isorren mitʼṭen goḍet do serma khone pheḍ hecʼena ar topa duạr khon dhiri ocokʼkate ona cetanreye duṛupʼena.

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 6:14

Guṛhạ dohoakan kagoc lekage serma do guṛhạyena; ar buru ar dipko do apan ạpin jaega khon ocokʼena.

Bikʼcạrko 5:5

Unre Probhu Isor samaṅre buruko do daldalaoena, Israelkoren Probhu Isor samaṅre Sinại buru hõ dalmalaoena.