Nạhum 1:4 - সান্তালী বাইবেল

⁴ Uni do jalapuriye dhomkaoetʼte onae ańjetʼ ocoyeda; ar gaḍako doe rohoṛ ocoyeda. Bason ar Karmel do gosokʼkana ar Lebanon reakʼ bahako do tolmojokʼkana.

Nạhum 1:4 Iomraidhean Croise

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

2 Samuel 22:16

Probhu Isorakʼ dhomkaote ar sahẽtʼte jalapuri reakʼ nalako ńelena, ar dhạrti reakʼ rehetʼko do oṭakʼena.

Jobakʼ 38:11

Ińiń menleda, ‘nonḍe hạbicʼgem hijukʼa, ar laha secʼ do baṅ; nonḍege amakʼ dhomok ḍheoko do thirokʼtama.

Sereńko 104:7

Menkhan onako dakʼ do amakʼ hukumte calaoena; ona do amakʼ huḍur reakʼ aṛaṅte ńir calaoena.

Sereńko 106:9

Uniyakʼ hukumte arakʼ doreão do ańjetʼena; ar hahaṅkar talate calakʼ leka onko do jalapuri talateye parom idiketʼkoa.

Sereńko 114:3

Onko ńelte arakʼ doreão do ńir pharakena, ar jordan gaḍa do cetan secʼ ạtukʼ ehopʼena,

Sereńko 114:5

E doreão, amakʼ do cetʼ hoyena? Cedakʼ am dom dạṛkeda? E Jordan, dakʼ ạtukʼ do cedakʼem pạc ruạṛ ocokeda?

Sereńko 18:16

Uni do coṭ khon tiye tiyạrketʼteye sapʼkedińa, ar khạndri dakʼ khone owar rakapʼkedińa.

Sereńko 74:15

Am do jharna ar huḍiń gaḍako reakʼ horem jhicʼ akada; ar jug khon ạtukʼkan gaḍako do amgem ańjetʼ ocoakada.

Jesaea 33:9

Disạm do hińjrạukʼ kana ar loraokʼ kana, Lebanon doe lajao ocokʼkana ar tolmojokʼ kana, Saron do hahaṅkar leka hoyakana ar Basan ar Karmel reakʼ dare sakamko do ńur caba akana.

Jesaea 42:15

Iń do buru boṭkocʼkoń jarkhara ar onḍenakʼ sanam aṛakʼ sakamkoń rohoṛ kạrcuba; ar gaḍako do ghuṭu otiń hoeocoya ar jolako doń ańjetʼ rohoṛa.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jeheskel 30:12

Ar iń do nil gaḍa reakʼ dakʼ iń ańjetʼ ocoya ar bạṛicʼ hoṛko ṭhen disạmiń ạkhrińa; bidisiạkoakʼ tite disạm ar ona tala reakʼ sanamakʼ iń dhaṅ dhaser ocoya. Iń Probhu Isorge noa katha doń meneda.

Jeheskel 38:20

Unre jalapuriren hakoko, coṭren cẽṛẽko, birren janwarko, ot cetanren mimitʼ leńokʼ ṭunḍạṅokʼko ar dhạrtiren sanam hoṛ do iń samaṅreko thar tharaokʼa, Maraṅ buruko do ulṭạukʼa, usul buruko do khanḍa khunḍikʼa ar joto pạcri do otre lạnduṛ ńurokʼa.

Amos 1:2

Amose menkeda, “Probhu Isor do Sion khone hạnḍrạukʼkana ar Jerusalem khon do acʼakʼ ãṭ aṛaṅe ańjom ocoyeda. Onate gukʼpikoakʼ ạtiń ṭạnḍiko do ṭonḍaṅokʼ kana ar Karmel buru muthni reakʼ dareko do gujukʼkana.”

Amos 5:8

Okoe do soren-ipilko ar arãṛ lalakʼ ipilkoe benao akatʼko, ar okoe do ńute marsal ocoyetʼkan ar siń doe ńut ocoyetʼkan, okoe do jalapuri reakʼ dakʼe hoho ạguiyetʼte pirthimi cetanreye dul bubhạuetʼ, uniyakʼ ńutum do Probhu Isor kangea.

Mathae 8:26

Uni doe metatʼkoa, “E nase pạtiạukʼko, cedakʼpe botorokʼ kana?” Inạ tayom beretʼkate uni do hoe ar doreãoe dhomkaokeda. Ar unre sanamakʼ do ḍelḍel thir hapeyena.