Nạhum 1:12 - সান্তালী বাইবেল

¹² Probhu Isore meneda, “E Jihudạ, Ạsurrenko doko daṛegere hõ arko alekhagere hõ enhõ onko doko gocʼ ocokʼa. Iń do sạrigeń duk ocoakatʼmea, menkhan ar bạń duk ocomea.

Nạhum 1:12 Iomraidhean Croise

2 Rapajko 19:35

Enhilokʼ ńindạ Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Dosar hilokʼ setakʼre hoṛko do tinreko beretʼena unre sanam jaegare mạ̃ṛĩko ńelkeda.

2 Rapajko 19:37

Mitʼdin Senakerib do acʼren debota Nisrokakʼ mundilreye dewa sewayetʼkan tahẽkanre Adramelek ar Sareser ńutuman uniren hoponkin do onḍe bolokate tarwaṛete unikin gocʼkedea ar Ararat disạmtekin dạṛkeda. Ar uniren hopon Esarhadon do raje hoyena.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.

Jesaea 17:14

Ar ạyupʼ jokhecʼ doko torasokʼa ar ạuri setagokʼrege onko doko caba utạrokʼa. Abo luluṭkoakʼ do noage menakʼa, ar noage onkoakʼ bakhra do.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 51:22

Amren Probhu, amren Isor, okoe do acʼren hoṛko secʼ menae uni do noa kathae meneda, “Ńelme, am oka bạṭi reakʼ ńũkatem konḍe manḍekʼ kan tahẽkan ona do amakʼ ti khoniń hatao akada; ińakʼ edre reakʼ ona bạṭi khon do ar tishõ bam ńũiya.

Jesaea 7:20

Enhilokʼ Probhu Isor do apeakʼ bohokʼ reakʼ upʼ, jaṅga reakʼ upʼ ar gocoko hoyo ocoytape lạgitʼ Phurạt gaḍa hanasa khon mitʼṭecʼ holatʼ, metakʼme Ạsur raje bhaṛa ạguiyea.

Jesaea 8:8

ar Jihudạ disạm talateye ạtu idiyte uniyakʼ hoṭokʼ hạbicʼe cape rakapʼ ocoya. E Immnuel, Ạsurren raj do oneye lap lapa akatʼtae phạ̃kṛạ̃kʼte amakʼ goṭa disạme umul eseda.

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Joel 2:19

Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Johan sodor 7:16

Noko do ar baṅ reṅgecʼkoa, baṅ tetaṅkoa; siń cando reakʼ dãk hõ hoṛmore baṅ paṛao akoa, ar bebạṛicʼ lolo hõ bako ạikạua,