Mikạ 7:9 - সান্তালী বাইবেল

⁹ Ńitokʼ do Probhu Isorakʼ edrele asen baṛayetʼkana, ente ale do uni upạrtele kại akada, menkhan mucạtʼre uni doe ale sejokʼa ar aleakʼ ạidạriye teṅgoalea. Uni do marsalteye oḍok ạgulea ar ale do uniyakʼ dhorom reakʼ bicạrle ńela.

Mikạ 7:9 Iomraidhean Croise

2 Samuel 24:17

Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

Jobakʼ 23:10

Menkhan iń oka horteń calakʼkan ona doe baḍaekana; are biḍạu aṭkarliń khan iń do khạṭi sona lekageń hoykokʼa.

Jobakʼ 35:14

Am dom meneda, uni bam ńel ńame kana, amakʼ mambla do uni samaṅrege menakʼa, ar ona reakʼ bicạr lạgitʼem ńel hohorkana.

Sereńko 119:154

Iń secʼ katha baṛe roṛme ar ińiń miridosge ona sạbudme; amakʼ gokʼakʼ lekage nãwã daṛe danạńme.

Sereńko 37:6

Unige amakʼ dhorom do marsal lekae jhak jhak ocoytama; ar amakʼ dhorom kạmiko do tikin reakʼ setoṅ lekae hoeocoya.

Sereńko 43:1

E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.

Sereńko 7:6

E Probhu Isor, edrete ma beretʼme, ińren bạirikoakʼ raṅgao upạrte ti tiạrtam. Iń lạgitʼ ebhenokʼme, ente amakʼ dhorom bicạr reakʼ katham lại jạhir akada.

Sereńko 94:15

Bicạr do dhorom ruạṛokʼa; ar sanam sojhe monan hoṛ do onako pańjaya.

Jesaea 42:16

Kãṛãkoń ạyurkoa, ar bako baḍaekan ar ona suṛucʼ horteń idikoa. Ar ńut do onko laha lahateń marsal ocoya ar harcatʼ hurcutʼ hor doń mitʼsão utạra. Iń do niạkoń nonkaea, ar khạṭigeń nonkaea.

Jesaea 42:7

Am do kãṛãkoakʼ mẽtʼem jhicʼ ocoytakoa, ar jelkhanare bondi akanko hõm chaḍaokoa ar okoe ńut reakʼ khạndṛuṅreko doho ocoakan onko dom oḍok ạgukoa.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 51:22

Amren Probhu, amren Isor, okoe do acʼren hoṛko secʼ menae uni do noa kathae meneda, “Ńelme, am oka bạṭi reakʼ ńũkatem konḍe manḍekʼ kan tahẽkan ona do amakʼ ti khoniń hatao akada; ińakʼ edre reakʼ ona bạṭi khon do ar tishõ bam ńũiya.

Jesaea 56:1

Probhu Isore meneda, “Dhorom reakʼ bicạr teṅgoepe ar hok reakʼ kạmipe, ente ińakʼ babańcao do hare pharege hecʼ godokʼa, ar ińakʼ rurukhiyạ do sodorokʼa.

Jirimiạ 10:19

Hae, ińakʼ jokhom do! One okaṭakʼ do baṅ bogekʼtiń! Enhõ nijạteń menjoṅkana, “Noa do ińakʼ rog kana, noa do sahaotege hoyokʼtińạ.”

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 51:10

Probhu Isorren hoṛkan bon ona do uniye udukʼ akada; aboren Probhu Isor okae ceka akatʼ dela, ona do Sionre bon lại jạhirma.

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”

1 Samuel 25:39

Nabalakʼ gujukʼ reakʼ khobore ańjomketʼ khan Dạud doe menkeda, “Probhu Isorakʼge sarhao hoyokʼtae ma. Uni do Nabal upạrteye teṅgoyena, ente Nabal do ińe opoman akadińạ. Uni do behokakʼ khone rukhiyạ akadińạ, ar Nabalakʼ behokakʼ do Nabal cetanregeye paṛao ocoakada.” Tayomte Dạud do Abigael baplaye lạgitʼ uni ṭhen raebarkoe kolketʼkoa.

1 Samuel 26:10

Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”