Mikạ 7:6 - সান্তালী বাইবেল

⁶ ente hopon do apate nihạ̃tea, hoponera do eṅgattetʼ upạrteye teṅgona ar bạhu kuṛi do hanhartetʼ upạrte. Manwa do acʼakʼ gharońjren hoṛge bạiriye hoyokʼtaea.

Mikạ 7:6 Iomraidhean Croise

Genesis 49:4

Menkhan am do dakʼ lekam ikocʼ sokojokʼa, onate amakʼ cetan hudạ do ar baṅ tahentama. Ente ińren bạhu ṭhen bolokate amren apatakʼ aṭetʼem besonot akada.

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Kạhtukko 30:11

Nonkan ḍher hoṛ menakʼkoa okoe akoren apatkoko sarapako ar eṅgatakʼ bhạlại bako khojkan,

Kạhtukko 30:17

Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.

Jesaea 3:5

Manwa do manwa, aḍepaseren hoṛko do aḍepaseren hoṛko santaokoa; kạṭicʼko do haṛamko upạrte ar nicạṛ hoṛ do manotan hoṛ upạrteko teṅgona.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jirimiạ 12:6

Amren boehako, metakʼme am bõsren hoṛ do bepạtiạrko hoyakana; onko hõ am tayomreko lagao akana. Am reaṅ bhageakʼ kathako roṛlere hõ onko do alom pạtiạuakoa.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Obodiạ 1:7

Amren sanam gate-rajosṭiko hõ amren ńir pharakokʼkan hoṛko akoakʼ simạna talate bako bolo ocoakoa. Ar amren gate hõ amko ṭhokamea ar ako secʼko or ạgumea; okoe amakʼko jometʼkan tahẽkan onko do am lạgitʼ jhãmpako oḍaoa, menkhan am do cetʼge bam bujhạu daṛeakʼa.”

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Mathae 26:23

Uniye roṛ ruạratʼkoa, “Iń tulucʼ bạṭire okoe tiye topoyetʼkan unige iń doe soprotińạ.

Luk 12:53

Onko do nonka lekako hạṭińokʼa, Apat do hopon upạrte ar hopon do apat upạrte, eṅgat do hoponera upạrte ar hoponera do eṅgat upạrte, hanhartetʼ do kimintetʼ upạrte ar kimintetʼ do hanhartetʼ upạrte.”

Luk 21:16

Aperen gogo-baba, boehako, gateko ar peṛa pạrbhạko do apeko sapʼocopea. Ar ape modre adomko doko gocʼ ocokoa.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’