Mikạ 7:5 - সান্তালী বাইবেল

⁵ Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

Mikạ 7:5 Iomraidhean Croise

Sereńko 141:3

E Probhu Isor, ińakʼ mẽtʼãhãre pharadarko dohokom, ar ińakʼ luṭi silpiń do horhoytińme.

Sereńko 38:14

Okoe bae ańjom ar okoeyakʼ mocare jãhãn ạnḍuṅteakʼ bạnukʼtae, onka lekage iń doń hoyakana.

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Jirimiạ 9:3

Probhu Isore meneda, “Onko do eṛeyakʼ sar tuń lạgitʼ akoakʼ akʼ leka alaṅko sapṛao akatʼtakoa; disạmre sạriyakʼ cetanre eṛeyakʼ jitạu akana. Onko do kại cetanko kạiyeda. Ar akoren Isor mente bako aṅgoc edeńkana.

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Bikʼcạrko 14:17

Bhoj reakʼ mucạtʼ din hạbicʼ acʼren bạhu doe rakʼkeda. Ar eae din hilokʼ Samson do acʼren bạhu onae lạiyadea, ente uni doe ạṛis caba akade tahẽkana. Ar unre acʼren bạhu do ona reakʼ manetetʼ acʼren hoṛkoe lạiyatʼkoa.