Mikạ 7:2 - সান্তালী বাইবেল

² Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Mikạ 7:2 Iomraidhean Croise

Sereńko 10:9

Uni do danaṅre tahẽkate dhạcri kul lekae tãṛãkʼ akana; nacaricʼ sabe lạgitʼgeye onkayeda, ar jhạli oḍaokateye sabe kana.

Sereńko 12:1

E Probhu Isor, bańcaoińme, am botoramko do ar bạnukʼkoa; ar pạtiạran hoṛko do manwa tala khonko ocokʼ akana.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Sereńko 57:6

Onko do ińakʼ dãṛãn horre jhạliko oḍao akada; santao iạte iń doń dormojlen tahẽkana; onko do ińakʼ horre ghaḍlakʼko layeda, menkhan onko do apnarge onareko khańjokʼkana. (Sela)

Kạhtukko 1:11

Jãhãegeye metam, “Dela ale sãote hijukʼme, ar khũn lạgitʼ dela tãṛãkʼ akae bon tahenma, ar miridos hoṛ sabe lạgitʼ dela bon coko hataṛokʼma.

Kạhtukko 12:6

Bedhorom hoṛko do mãyãm joroe lạgitʼ tãṛãkʼ akan reakʼ kathako mena, menkhan dhoromko do rukhiyạ reakʼ kathako roṛa.

Jesaea 3:5

Manwa do manwa, aḍepaseren hoṛko do aḍepaseren hoṛko santaokoa; kạṭicʼko do haṛamko upạrte ar nicạṛ hoṛ do manotan hoṛ upạrteko teṅgona.

Jesaea 57:1

Dhorom hoṛko maraokʼkan ona secʼ do okoehõ bako moneyakʼ kana. Isor bhokto hoṛ doko idi ocokʼ kana, menkhan okoege bako bujhạu daṛeakʼ kana, bạṛicʼ hoṛkoakʼ ti khon rukhiyạ ńam lạgitʼge onko doko idi ocokʼ kana mente.

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Jirimiạ 5:16

Onkoakʼ sar ṭhoṅga do jhicʼ akatʼ kobor leka; onko jotoge daṛean bir kanako.

Jirimiạ 5:26

“Ińren hoṛko talare bạṛicʼ hoṛ menakʼkoa okoe do cẽṛẽ jhãmpako leka tãṛãkʼ akaeko tahenkan; onko do pạsi oḍaokate manwako sapʼkoa.

Jirimiạ 8:6

Iń do mone lagaokateń ańjomakada, onko do ṭhikakʼ katha bako roṛeda. Bạṛicʼakʼko khon mon ạcurkate okoehõ bako meneda, ‘hae, cetʼ iń cekakeda!” Sadom cetʼ leka lạṛhạireye ńir bolokʼkan onkage onko do apan ạpin horteko calakʼkana.

Rak̕joṅ 4:18

Hoṛko do abo lạgitʼ tãṛãkʼ akaeko tahenkan tahẽkana, onate abo do phaelao ṭhạ̃ikore babon taṛam daṛeakʼkan tahẽkana. Aboakʼ ses dinko do sorakan tahẽkana, ar aboakʼ dinko hõ caba akan tahẽkana, ente aboakʼ ses okte do seṭer akan tahẽkana.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jeheskel 24:6

“Probhu Isor do arhõe menetʼkana, ‘Hae, uni mãyãm joro ocoyicʼ nagraha do! Uni do mitʼṭecʼ celaṅ kanae one onare mạilạ tạpukʼ akan, one oka do baṅ saphakʼ. Jelko bachao hatao baṅkate kuṭi kuṭige lo oḍokme. Gulibãṭ do okaṭakʼre hõ baṅ paṛao akana.

Hosea 5:1

Probhu Isore meneda, “E naekeko, noa katha ańjompe. E Israelren hoṛko, moneyakʼpe. E raj bõsko, luturakʼpe baṛe. Noa ray do ape upạrtege emocokʼkana, ente ape do Mispare jhãmpa leka ar Taborre do tase akatʼ jhạli lekape hoylena.

Hosea 6:9

Ḍạkuko cetʼleka manwa lạgitʼko tãṛãkʼkokʼ, onkage naekeko hõ tãṛãkʼ akaeko tahenkana; onko do Sikem calakʼ horre manwako khũnetʼkoa ar heṛan bạṛicʼakʼko kạmikana.

Mikạ 2:8

Nebetar ińren hoṛ do bạiri lekako hoyakana. Lạṛhại khon ruạṛ hecʼakan hoṛko leka okoe do khạtirjomako dãṛãnkan onkoakʼ hoṛmo khon kicricʼpe or totʼetʼtakoa.

Mikạ 3:10

Ape do mãyãmte Sion, ar behokakʼte Jerusalempe benao rakapʼ akada.

Mikạ 3:2

Ape do bhageakʼ kạmipe hirkhạwakʼ kana ar bạṛicʼakʼ kạmi dope dulạṛeda; Ape do ińren hoṛkoakʼ hoṛmo khon harta ar jaṅ khon jelpe chaḍaoetʼtakoa;

Sakariạ 11:6

Disạmren hoṛko cetanre iń do ar bạń dayakʼa; iń do mimitʼko ako aḍepaseren hoṛko ṭhen ar rajawakʼ tireń jimạkoa. Onko do disạmko jarkhara ar onkoakʼ ti khon okoege bạń bańcaokoa.”

Aposkạmi 24:9

Ar Jihudiko hõ noa katha do sạrikana menteko suhi akada.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

1 Samuel 26:20

Menkhan aben ṭhen ạlińakʼ nehõr do noage, Probhu Isor bạnui nonkan sạṅgiń jãhã ṭhạ̃ire ạlińakʼ mãyãm jemon alo jorokʼ. Burure cetʼleka hoṛ do citri cẽṛẽ sendarko calakʼ onkage Israelkoren raj hõ mitʼṭen tejo sendraye lạgitʼe oḍokʼ hecʼakana.”