Mikạ 7:11 - সান্তালী বাইবেল

¹¹ E Jerusalem, unre amakʼ bhit do benao arokʼtama, ar amakʼ simạnako do baṛhao ocokʼa.

Mikạ 7:11 Iomraidhean Croise

Nehemiạ 2:17

Tayomte onko maraṅ hudạren kạmiyạkoń metatʼkoa, “Abo harkhet ar sasetre menakʼ bon ona dope ńeletʼgea. Jerusalem do dhaṅ dhaser akana ar ona reakʼ phaṭok duạrko do seṅgelteko jeretʼ akada. Onate dela abo do, Jerusalem reakʼ pạcri arhõ bon beretʼ ruạṛa. Inạ khan henostawan hoṛ mente do ar babon tahena.”

Nehemiạ 2:8

Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.

Nehemiạ 4:3

Unre Amoni Tobia do uni aṛereye tahẽkana; uni doe menkeda, “Onko okako benaoetʼkan ona cetante mitʼṭen khĩkṛĩye decʼlen khan hõ dhiri pạcri do dhasao lạnduṛokʼtakoa.”

Nehemiạ 4:6

Pạcri tinạkʼ usulokʼ ona reakʼ adha hạbicʼle gathao akada, ente hoṛko do akoakʼ goṭa monte niạko kạmi akada.

Jesaea 54:11

Probhu Isore meneda, “E birbão hoete gurlạu akanicʼ, ar jiwi raṛecʼ baṅ ńamakatʼicʼ ar nihạ̃t ocokʼicʼ nagraha, iń do nirola dhiriteń benaome lạgidokʼ kana ar amakʼ rehetʼ do nilkanto muniteń bạisạua.

Jesaea 54:2

Amakʼ tạmbu reakʼ jaega do arhõ baṛhaome; amakʼ tạmbu reakʼ orwal do arhõ osartam, alom cipạya. Amakʼ tạmbu reakʼ baberko alom khaṭoea ar khunṭiko hõ kajaktam,

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Jesaea 61:4

Onko do sedae reakʼ jarkharakʼ ṭhạ̃iko arhõko benao ruạṛa ar ujạṛakʼko arhõko teṅgo ruạṛa. Ar okako nagraha do piṛhike piṛhi dhaṅdhaser akae tahẽkan ona do arhõko benao ruạṛa.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.