Mikạ 7:1 - সান্তালী বাইবেল

¹ Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Mikạ 7:1 Iomraidhean Croise

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

Kạhtukko 20:6

Ḍhertetʼ hoṛge apanar do pạtiạran hoṛ menteko udugokʼa, menkhan pạtiạrạnicʼ hoṛ do okoeye ńam daṛekea?

Jesaea 17:6

Enhõ thoṛa hulạkʼ do ńurakan tahena. Jạitun dare joko rukui tayom cetʼleka cetan ḍạrkore mitʼ bar jo tahen, onkage onkoakʼ dosa hõ hoyokʼtakoa.” Israelkoren Probhu Isorge niạ katha doe meneda.

Jesaea 24:13

Jạitun dare ruku tayom ar darkha jo gotʼ tayom cetʼleka darere thoṛa jo tahen, onkage dhạrtiren jạtkoakʼ dosa hõ hoyokʼtakoa.

Jesaea 24:16

Dhạrti reakʼ ses simạ khon ale do niạ sereńle ańjom ńameda, “Dhoromicʼ Isorakʼge sarhao baṛe hoyokʼtae ma!” Menkhan ińiń meneda, “Hae! Iń do sorbonasreń paṛao akana, ente bepạtiạrko doko bepạtiạreda; hẽ onko do ạḍitetʼko bepạtiạr akada.”

Jesaea 28:4

Ephrayim reakʼ ṭhonok mosotʼ akan mala oka do buru-nala otet reakʼ muthnire menakʼ, ona do bele loa leka pạhilrege caba utạrokʼa; one jãhãege ona ńelkate hataokateye jomke.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jirimiạ 15:10

Hae, hae! E eṅgạńtiń, cedakʼ iń dom janamkedińa, one okoe sãote goṭa disạm do jhogṛa are lạṛhạikan? Okoehõ rin do bạń emakatʼkoa se okoehõ iń do rin bako emakawạdińa, enhõ sanamkoge iń doko sarapạńkana.

Jirimiạ 24:2

Mitʼṭecʼ khạclạkʼre do pạhil beleakʼ loa leka bhage loa tahẽkana, ar eṭakʼ khạclạkʼre do ạḍi bạṛicʼ loa jo tahẽkana, ona do nunạkʼ bạṛicʼ tahẽkana je, okoege bako jom daṛeakʼa.

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jirimiạ 45:3

amem menakada, ‘hae! Probhu Isor ińakʼ duk cetanre arhõ hirdạnim emạń kana; iń do hae haeteń laṅga cabayena, jirạuge bạń ńameda.’

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Numeri 18:13

Probhu Isor ṭhen ạguwakʼ onkoakʼ jumi reakʼ phosol hõ apeakʼ hoyokʼa. Ar apeakʼ gharońjren okoe saphako tahen eken onkoge onako jom daṛeakʼa.